ছেৰাম ইনষ্টিটিউট অৱ ইণ্ডিয়াই কৰ’না ভাইৰাছৰ প্ৰথম ১০ কোটি প্ৰতিষেধক কেন্দ্ৰীয় চৰকাৰক ‘বিশেষ মূল্য’ দুশ টকাত বিক্ৰী কৰিব বুলি জনাই কোম্পানীটোৰ চি ই অ’ আদৰ পুনাৱালাই ।
প্ৰতিষেধক প্ৰস্তুতকৰণৰ বাবে ছেৰাম ইনষ্টিটিউট অৱ ইণ্ডিয়াই অক্সফ’ৰ্ড বিশ্ববিদ্যালয় আৰু অষ্ট্ৰাজেনেকাৰ স’তে যোগ দিছে ।
দেওবাৰে দৰব নিয়ন্ত্ৰক সংস্থা ডিচিজিআয়ে ক’ভিশ্বিল্ড আৰু ভাৰত বায়’টেকৰ ক’ভেক্সিনক নিয়ন্ত্ৰিত জৰুৰী প্ৰয়োগৰ বাবে অনুমোদন দিয়ে ।
চি ই অ’ পুনাৱালাই জনাই যে, কোম্পানীটোৱে সম্প্ৰতি ক’বামাহৰ বাবে ব্যক্তিগত খণ্ডসমূহলৈ প্ৰতিষেধক প্ৰেৰণ কৰিব নোৱাৰিব ।
চলিত বৰ্ষত প্ৰস্তুত কৰা প্ৰতিষেধকসমূহ সমৃদ্ধিশালী দেশসমূহে সংৰক্ষণ কৰিব । বিশ্বৰ বৃহত্তম প্ৰতিষেধক প্ৰস্তুতকাৰী সংস্থা ছেৰাম ইনষ্টিটিউটে সম্ভৱতঃ উন্নয়নশীল দেশসমূহৰ বাবে ইনকিউলেছন প্ৰস্তুত কৰিব । ৰপ্তানিত নিষেধাজ্ঞাৰ অৰ্থ, দৰিদ্ৰ দেশসমূহে সম্ভৱতঃ প্ৰতিষেধক গ্ৰহণ কৰিবৰ বাবে কেইমাহমান অপেক্ষা কৰিব লাগিব ।
চি ই অ’ পুনাৱালাই কয় যে, সম্প্ৰতি আমি কেৱল ভাৰতকহে ক’ভিড প্ৰতিষেধক দিব পাৰিম । আগন্তুক সপ্তাহত ছেৰাম ইনষ্টিটিউটে ক’ভেক্সৰ স’তে ৩০-৪০ কোটি প্ৰতিষেধক প্ৰস্তুতকৰণৰ এক বৃহৎ চুক্তি কৰিব ।
তেওঁ লগতে কয় যে, ছেৰাম ইনষ্টিটিউটে ডিচেম্বৰ ২০২১ লৈকে ২০-৩০ কোটি প্ৰতিষেধক ক’ভেক্সক প্ৰস্তুত কৰি দিয়াৰ পৰিকল্পনা কৰিছে । সংস্থাটোৱে ভাৰত আৰু ক’ভেক্সৰ মাজত প্ৰতিষেধক বিতৰণত ভাৰসাম্য অটুট ৰাখিব লাগিব । আমি এতিয়াই সকলোকে প্ৰতিষেধক দিব নোৱাৰো । আমি অগ্ৰাধিকাৰ ভিত্তিত দিব লাগিব ।