চিৰাঙত বন্যহস্তীৰ তাণ্ডৱ। বুধবাৰে নিশা মানাহৰ পৰা ওলাই অহা বনৰীয়া হাতীয়ে দুই নং দৈলংঝাৰ গাওঁৰ বিধৱা মহিলা দয়মন্তী বৰ্মন, ৰঞ্জিত ভৰালী, নিৰেন বৰ্মনৰ ঘৰ দূৱাৰ ভাঙি লণ্ড-ভণ্ড কৰে ।
লগতে ঘৰত থকা চাউল খাই বিনষ্ট কৰে বনৰীয়া হাতীয়ে। নিৰেন বৰ্মন বহি:ৰাজ্যত কৰ্মৰত। আজি তেওঁৰ পত্নীয়ে পাঁচ সন্তান লৈ থকাৰ ঠাই নাই। সংবাদ মাধ্যমৰ জৰিয়তে চৰকাৰৰ ওচৰত অনুৰোধ জনাই কয় যে মহিলাগৰাকিৰ থকাৰ বাবে অতি শীঘ্ৰে চৰকাৰে সুবিধা কৰি দিয়ে যেন ।
বনৰীয়া হাতীয়ে এক নং দৈলংঝাৰ গাঁৱৰ প্ৰভাত বৰ্মনৰ ১০০ৰো অধিক তামোল বাগান ভাঙি ক্ষতি কৰে । বিজনী বিষ্ণুপুৰ অঞ্চলত প্ৰায়েই বন্যহস্তীৰ তাণ্ডৱ চলে।
হাতীৰ উপদ্ৰৱৰ কথা বিষ্ণুপুৰ বন বিভাগত অৱগত কৰাৰ পাছতো কোনো ধৰণৰ ব্যৱস্থা গ্ৰহণ নকৰাৰ অভিযোগ ৰাইজৰ।
