অনিল কাপুৰৰ ‘নায়ক’ চিনেমাখন মনত আছে নে ? শিবাজী ৰাওৱে এটা দিনৰ বাবে মহাৰাষ্ট্ৰৰ মুখ্যমন্ত্ৰী হোৱাৰ সুযোগ লাভ কৰিছিল আৰু চকীত বহি তেওঁ সাম্ৰাজ্যৰ শাসকসকলৰ সমস্যাত অহা সকলো লোকৰ নায়ক হৈ পৰিছিল।
ঠিক তেনেদৰে এইবাৰ ‘নায়ক’ ছবিখন পুনঃনিৰ্মাণ হ’ব । মুখ্য চৰিত্ৰত অভিনয় কৰিব সৃষ্টি গোস্বামী। আজি বিয়লি ১২ বজাৰ পৰা আবেলি তিনি বজালৈ উত্তৰ প্ৰদেশৰ মুখ্যমন্ত্ৰী হিচাপে দায়িত্বত থাকিব বঙ্গতনয়া । ৰাজ্য চৰকাৰে ৰাষ্ট্ৰীয় কন্যা শিশু দিৱসৰ বাবে এই সুযোগ প্ৰদান কৰিছে ১৯ বছৰীয়া বঙ্গতনয়াক।
আজি উত্তৰ প্ৰদেশত বিশেষ শিশু বিধানসভা অধিৱেশন অনুষ্ঠিত হ’ব। একাধিক চৰকাৰী প্ৰকল্প মূল্যাঙ্কন কৰা হ’ব । তেওঁ ৰাজ্য চৰকাৰৰ বিভিন্ন বিষয়াৰ স’তে আলোচনাত মিলিত হ’ব ।
তথ্য অনুসৰি, আজি উত্তৰখণ্ডৰ ৰাজধানীৰ পৰা ৰাজ্য পৰিচালনা কৰিব সৃষ্টি গোস্বামীয়ে । যুৱতীগৰাকীক বৰ্তমানৰ মুখ্যমন্ত্ৰী ট্ৰিবেন্দ্ৰ সিং ৰাৱটৰ অধীনত চৰকাৰৰ বিভিন্ন প্ৰকল্পৰ পৰ্যালোচনা কৰাৰ দায়িত্ব দিয়া হৈছে।
ইয়াৰ ভিতৰত আছে ‘অটল আয়ুস্মান প্ৰকল্প’, ‘স্মাৰ্ট চিটি প্ৰকল্প’, ‘পৰ্যটন বিভাগৰ হ’মষ্টে প্ৰকল্প’ আৰু অন্যান্য উন্নয়নমূলক প্ৰকল্প। ৰাজ্য চৰকাৰে দিয়া সূত্ৰ অনুসৰি, উত্তৰাখণ্ড শিশু অধিকাৰ সুৰক্ষা আয়োগৰ হৈ ৰাজ্যিক সচিবলৈ এখন পত্ৰ প্ৰেৰণ কৰা হৈছে। আয়োগৰ মুখ্য উপদেষ্টা উচা নেগীয়ে কয় যে, ৰাজ্যিক বিধানসভা মন্ত্ৰীৰ বাবে সকলো প্ৰস্তুতি কৰা হৈছে। সৃষ্টিয়ে প্ৰায় দুবছৰ ধৰি বৰ্তমান চৰকাৰৰ সৈতে কাম কৰি আছে। গতিকে সকলোৱে তেওঁৰ দক্ষতা জানে।
দৰাচলতে, ২০১৮ৰ পৰা, বঙ্গতনয়া উত্তৰাখণ্ডৰ শিশু সভাৰ মুখ্যমন্ত্ৰী হৈ আছে। হৰিদ্বাৰৰ দৌলতপুৰ গাঁৱৰ বাসিন্দা বৰ্তমান কৃষি বিজ্ঞানৰ তৃতীয় বৰ্ষৰ শিক্ষাৰ্থী। ইয়াৰ পূৰ্বে, তেওঁ শিশু দিৱসত বহুতো আন্তৰ্জাতিক অনুষ্ঠানত অংশগ্ৰহণ কৰিছে।
এই দায়িত্ব ২৪ ঘণ্টাৰ বাবে এটা ডাঙৰ দায়িত্ব । তেওঁৰ কথাত, “মই এতিয়াও এইটো বিশ্বাস কৰিব পৰা নাই । মই অত্যন্ত সুখী । প্ৰতিশ্ৰুতি দিছো, মই যথাসম্ভৱ চেষ্টা কৰিম। পৰৱৰ্তী সময়ত যুৱসমাজক প্ৰশাসনিক কাৰ্যত দক্ষ কৰিবলৈ চেষ্টা কৰিম।