বন্যহস্তীৰ আক্ৰমণত নিহতৰ পৰিয়াললৈ আৰ্থিক সাহায্য বিটিআৰৰ কাৰ্যবাহী সদস্য তথা বাগসা মথনগুৰি সমষ্টিৰ বিজেপি দলৰ এমচিএলএ গৌতম দাসৰ মহানুভৱতা ৷ কিছুদিন পূৰ্বে বাগসা খাৰিজা বিজনীৰ বাৰাপেটাত মানাহ ৰাষ্ট্ৰীয় উদ্যানৰ পৰা ওলাই অহা বন্যহস্তীৰ আক্ৰমণত নিহত হৈছিল জয়দেৱ দাস নামৰ এগৰাকী ব্যক্তি আৰু আহত হৈছিল জয়দেৱ দাসৰ বিশেষভাবে সক্ষম পুত্ৰ হিতেশ দাস ৷
এই খবৰ লাভ কৰাৰ লগে লগেই নেতাগৰাকী উপস্থিত হৈছিল দুৰ্ভগীয়া পৰিয়ালটোৰ কাষত৷ শুকুৰবাৰে নিশাও পুন দৰিদ্ৰ পৰিয়ালটোৰ কাষত উপস্থিত হৈ ব্যক্তিগতভাৱে আৰ্থিক সাহায্য আগবঢ়ায় গৌতম দাসে৷মৃতলোকজনৰ আদ্যশ্ৰাদ্ধৰ বাবে সহযোগ কৰা বুলি উল্লেখ কৰি পৰিয়ালক উপযুক্ত ক্ষতিপূৰণ দিয়াৰো আশ্বাস প্ৰদান কৰে নেতাগৰাকীয়ে৷নিৰ্বাচনৰ পূৰ্বে দিয়া আশ্বাস অনুসৰি নেতাগৰাকীয়ে সমষ্টিবাসীৰ কাষত প্ৰতিপলে থিয় দিয়াত সন্তোষ প্ৰকাশ কৰে গাঁওবাসীয়ে৷