বিগ বছ ১৪ত এগৰকী জনপ্ৰিয় মনোৰঞ্জক ৰূপে পৰিচিত হৈ পৰা ৰাখি সাৱন্ত বুধবাৰে নিশা অতি আবেগিক হৈ বিগ বছ ১৪ৰ অন্য এগৰাকী সদস্য ৰাহুল কৃষ্ণ বৈদ্যৰ স’তে কথা পাতি থকাৰ মাজতে হুৰ হুৰাই কন্দা দেখা গ’ল ।
ৰাখিয়ে নিজৰ অতীতৰ কথা বৰ্ণনা কৰি আবেগিক হৈ পৰিল বিগ বছত । তেওঁ কয় যে প্ৰথমাৱস্থাত ছবি উদ্যোগত তেওঁক কোনো চিনি পোৱা নাছিল আৰু কাম বিচাৰি হাবাথুৰি খাইছিল ৰাখিয়ে ।
সেই সময়তে তেওঁ মাক হৃদ ৰোগত আক্ৰান্ত হৈছিল আৰু সেই সময়ত ৰাখিৰ ওচৰত মাকৰ চিকিৎসাৰ বাবে পৰ্যাপ্ত ধন নাছিল ।তেনে সময়ত তেওঁৰ এগৰাকী বন্ধুৱে সহায় কৰা অজুহাতত ৰাখিৰ স’তে দুব্যৱহাৰ কৰে আৰু ৰাখিৰ সেই দুৰৱস্থাৰ সুযোগ লৈ তেওঁৰ লগত গাড়ীত বেয়া ব্যৱহাৰ কৰে বুলি তেওঁৰ বন্ধু ৰাহুলৰ ওচৰত বৰ্ণনা কৰে।
আৱেগিক হৈ কান্দি কান্দি মাটিত বহি পৰা ৰাখিয়ে বৰ্তমান তেওঁৰ স্বামীৰ স’তে হোৱা মনোমালিন্যৰ বিষয়েও উল্লেখ কৰে । ৰাখিয়ে কয় তেওঁ বিবাহ হোৱা পুৰুষজন ইতিমধ্যে অন্য এগৰাকী মহিলাক বিয়া কৰোৱাইছে । ৰাখিৰ এই দুৰৱস্থা দেখি বন্ধু ৰাহুলে সান্তনা দি নিজৰ জীৱনত আগবাঢ়ি যাবলৈ সকাহ দিয়ে ।