ভোটগ্ৰহণ আৰু ভোটগণনা উপলক্ষে ধুবুৰীত ড্ৰাই ডে ঘোষণা প্ৰশাসনৰ

ধুবুৰী জিলাত তৃতীয় পৰ্যায়ত অৰ্থাৎ ছয় এপ্ৰিলত হ’বলগীয়া নিৰ্বাচনৰ ভোটগ্ৰহণৰ বাবে ‘ড্ৰাই ডে’ ঘোষণা কৰিছে ধুবুৰী জিলা দণ্ডাধীশ দেৱ কুমাৰ কলিতাই ৷ সেই অনুসৰি চাৰি এপ্ৰিলৰ সন্ধিয়া ছয় বজাৰ পৰা ছয় এপ্ৰিলৰ সন্ধিয়া ছয় বজালৈ সমগ্ৰ ধুবুৰী জিলাত ‘ড্ৰাই ডে’ বাহাল থাকিব ৷

ইপিনে, ভোটগণনাৰ দিনা অৰ্থাৎ দুই মে’ত ভোটগণনাৰ প্ৰক্ৰিয়া অন্ত নপৰা পৰ্যন্ত ‘ড্ৰাই ডে’ অব্যাহত থাকিব ৷ এই সন্দৰ্ভত জাৰি কৰা এটা নিৰ্দেশত কোৱা হয় যে, ‘ড্ৰাই ডে’ত সকলোধৰণৰ বণ্ডেড ৱেৰহাইছ, বিলাতী সুৰাৰ বিপনী, দেশীয় সুৰাৰ বিপনী আদি বন্ধ ৰাখিব লাগিব৷ এই নিৰ্দেশ অমান্য কৰোতাক অসম আৱকাৰী আইন আৰু বিধি মতে শাস্তি বিহা হ’ব ৷