প্ৰতিদিনে ভাৰতত বৃদ্ধি পাইছে কৰ’না ৰোগীৰ সংখ্যা । আজি দেশত ৩,১৪,৮৩৫ জন লোক নতুনকৈ কৰ’নাত আক্ৰান্ত হৈছে । একেদৰে, দৈনিক সংক্ৰমণৰ ক্ষেত্ৰত ভাৰতে বুধবাৰে এক নতুন অভিলেখ গঢ়িলে, ২,৯৫,৪১ জন লোক আক্ৰান্ত হয় ।
বৰ্ষীয়ান অভিনেতা অনুপম খেৰে সেই বাতৰিটো পঢ়াৰ পাছত দেশৰ প্ৰতিজন নাগৰিকৰ দৰেই চিন্তিত হৈ পৰিছে। কপালত স্পষ্ট হৈ পৰিছে বলিৰেখা । তেওঁ সেই ছবিখন প’ষ্ট নকৰাকৈ থাকিব নোৱাৰিলে।
অভিনেতাগৰাকীয়ে ইনষ্টাগ্ৰামত ফটোখন প’ষ্ট কৰি লিখে, ‘আজিৰ শিৰোনাম।’ লগতে আছে তেওঁৰ কপালৰ ফটোখন ।
কিছুমানে এই ছবিখনত আন এটা অৰ্থ বিচাৰি পাইছে। অনুপমৰ কপালখন কৰ’না সংক্ৰমণৰ ৰেখাচিত্ৰৰ দৰে লাগিছে অনুপম খেৰৰ ছবিখন । যেন সংক্ৰমণৰ প্ৰথম ঢৌ, তাৰ পাছত প্ৰকোপ হ্ৰাস পোৱা । পুনৰ দ্বিতীয় তৰংগ ।
বলীউডৰ তাৰকাসকলেও তেওঁৰ পোষ্টত মন্তব্য নকৰি নোৱাৰিলে । প্ৰিয়ংকা চোপ্ৰা, হৰিহৰণৰ পৰা শিল্পা চেট্টীলৈকে, সকলোৱে তেওঁলোকৰ উত্তেজনা প্ৰকাশ কৰিলে ।
তেওঁৰ পৰিয়ালেও সমগ্ৰ দেশৰ স’তে কঠিন সময় অতিবাহিত কৰি আছে। তেওঁৰ পত্নী কিৰণ খেৰ কৰ্কট ৰোগত আক্ৰান্ত। অভিনেতাজনে এপ্ৰিলৰ প্ৰথম দিনটোত প্ৰতিবেদন দিছিল। আনহাতে, অনুপমে কৰ’নাৰ বিৰুদ্ধে যুঁজিবলৈ তেওঁৰ মাতৃ ডুলাৰীক টিকাকৰণৰ বাবে লৈ গৈছিল । সেই ভিডিঅ’পোষ্ট কৰিছিল সামাজিক মাধ্যমত ।