নিজ দেশত উভতিল আইপিএলত অংশগ্ৰহণ কৰা সকলো কেৰিবিয়ান ক্ৰিকেট খেলুৱৈ । সোমবাৰে এই তথ্য সদৰী কৰে ৱেষ্ট ইণ্ডিজৰ কৰ্তাই । লগতে, ক্ৰিকেটাৰসকলক নিৰাপদে উভতোৱাৰ বাবে ধন্যবাদ জনায় ভাৰতীয় বোৰ্ডক ।
একাধিক ক্ৰিকেট খেলুৱৈৰ শৰীৰত ক’ভিডৰ উপস্থিতি লাভ কৰাৰ পাছতে চাৰি মে’ত আইপিএল স্থগিত কৰা হয় । ইয়াৰ পাছতেই ক্ৰিকেট খেলুৱৈসকলে নিজ দেশত উভতিবলৈ লয় । কায়ৰন পোলাৰ্ড, জেছন হোল্ডাৰ, সুনীল নাৰাইণ, আন্দ্ৰে ৰাছেল, দ্বনে ব্ৰাভ’, নিক’লাছ পুৰান, ছিমৰন হেটমেয়াৰ আৰু ফেবিয়েন এলেন দেশত উভতি যায় ।
ক্ৰিকেট ৱেষ্ট ইণ্ডিজৰ কৰ্তা জনি গ্ৰেভে কয়, ‘সকলো ক্ৰিকেট খেলুৱৈ আৰু টেলিভিছন প্ৰডাক্সনৰ স’তে জড়িত প্ৰত্যেকে নিৰাপদে কেৰিবিয়ান দ্বীপপুঞ্জলৈ উভতি আহিছে । নিৰাপদে উভতোৱাৰ বাবে আমি বিচিচিআই আৰু আইপিএলৰ দলবোৰৰ কাষত কৃতজ্ঞ ।’
"Our IPL players, along with the West Indians who were part of the TV production, are now safely back in the Caribbean.
We are grateful to the @BCCI and IPL Franchises for arranging their safe travel back to the Caribbean so quickly."
– CWI CEO @JohnnyGrave
📸 @KKRiders pic.twitter.com/68ftnHRATq
— Windies Cricket (@windiescricket) May 9, 2021
আইপিএল দলবোৰৰ ভিতৰত আটাইতকৈ বেছি ক’ভিড-১৯ত আক্ৰান্ত হৈছিল কলকাতা নাইট ৰাইডাৰ্ছৰ সদস্য । প্ৰথমে বৰুণ চক্ৰৱৰ্তী আৰু সন্দ্বীপ ৱাৰিয়ৰৰ শৰীৰত ক’ভিডৰ উপস্থিতি ধৰা পৰে । ইয়াৰ পাছত দিল্লীৰ অমিত মিশ্ৰ আৰু ঋদ্ধিমান সাহা কৰ’নাত আক্ৰান্ত হয় । আইপিএল স্থগিত হোৱাৰ পাছতো ক্ৰিকেট দলৰ সদস্যসকল ক’ভিডত আক্ৰান্ত হৈয়ে থাকে ।
