BCCI :
ঘন কুঁৱলীৰ বাবে যোৱা নিশা ভাৰত আৰু দক্ষিণ আফ্ৰিকাৰ মাজৰ চতুর্থখন টি-২০ মেচ বাতিল হয়। খেলত এটা বলো নপৰিল। প্ৰৱল শীতত চাৰি ঘণ্টাৰো অধিক সময় ধৰি গেলাৰীত বহি থকা দর্শকে হতাশ মনে ঘৰলৈ উভতি যায়। একাংশ দর্শকে টিকটৰ ধন ঘূৰাই দিয়াৰো দাবী উত্থাপন কৰে। যদিও ভাৰতীয় ক্রিকেট নিয়ন্ত্রণ ব’র্ডে স্পষ্ট কৰি দিছে যে দর্শকক টিকটৰ ধন ঘূৰাই দিয়াৰ দায়িত্ব ব’ৰ্ডৰ নহয়। সেই দায়িত্ব আচলতে মেচখনৰ আয়োজক উত্তৰপ্ৰদেশ ক্রিকেট সন্থাৰহে।
বিচিচিআইৰ সচিব দেৱজিত শইকীয়াই এই সন্দৰ্ভত সংবাদ মাধ্যমৰ আগত কয় যে টিকটৰ ধন ঘূৰাই দিয়াৰ দায়িত্ব উত্তৰপ্ৰদেশ ক্রিকেট সন্থাৰ। সততে এটাও বল নপৰাকৈ বাতিল হোৱা মেচৰ টিকটৰ ধন ঘূৰাই দিয়া হয়। লক্ষ্ণৌত যিহেতু এটাও বল নপৰিল, সেয়ে দর্শকে টিকটৰ ধন ঘূৰাই পাব। এই প্রসংগতে শইকীয়াই কয়, ‘লক্ষ্ণৌৰ ষ্টেডিয়াম উত্তৰপ্ৰদেশ ক্রিকেট সন্থাৰ অন্তর্গত। গতিকে মেচ আয়োজনৰ দায়িত্বও তেওঁলোকৰ। সেয়ে টকা ঘুৰাই দিয়াব দায়িত্বও তেওঁলোকৰে। বিচিচিআয়ে কেবল সংশ্লিষ্ট ক্রিকেট সস্থাক মেচ আয়োজনৰ দায়িত্ব দিয়ে। বাকী কাম ৰাজ্যিক সন্থাৰ। টিকটৰ দাম কিমান হ’ব, কিমান টিকট ছপা হ’ব সেই সিদ্ধান্ত তেওঁলোকেই লয়। ব’র্ডে হস্তক্ষেপ নকৰে। ফলত টিকটৰ মূল্য ঘূৰাই দিয়াৰ দায়িত্বও তেওঁলোকৰ, ব’ৰ্ডৰ নহয়।’
