অভিনেতা ছনু ছুডক দেৱতাৰ স’তে তুলনা কৰি তেওঁৰ ফটোত গাখীৰ দিয়াৰ বাবে অসন্তুষ্টি প্ৰকাশ কৰে টেলি-অভিনেত্ৰী কবিতা কৌশিক । অৱশ্যে ছনু ছুডে ঘটনাটোত প্ৰভাৱিত হৈছে । কিন্তু অভিনেত্ৰীগৰাকীৰ মতে, এনেধৰণৰ খাদ্য সামগ্ৰী অপচয় কৰাৰ কোনো অৰ্থ নাই ।
অতিমাৰীৰ এই ভয়ংকৰ পৰিস্থিতিত আৰ্তজনৰ কাষত থিয় দি সকলোৰে বাবে ‘মাছিহা’ হৈ পৰিছে অভিনেতা ছনু । ইয়াৰ প্ৰমাণ হিচাপে সামাজিক মাধ্যমত বিয়পি পৰিছে ছনু ছুডেৰ এটা ভিডিঅ’ ।
ভিডিঅ’টোত ছনুৰ এখন ডাঙৰ ফটো ওলমি আছে আৰু তাত বহুলোকে গাখীৰ ঢালি আছে । ঠিক যেনেদৰে শিৱলিঙ্গত গাখীৰ ঢালি পূজা কৰা হয় । ঘটনাটো অন্ধ্ৰ প্ৰদেশত সংঘটিত হৈছে ।
‘এফআইআৰ’ আৰু ‘বিগ বচ’ খ্যাত টেলি-অভিনেত্ৰী কবিতা কৌশিকে ভিডিঅ’টো টুইট কৰি কয় যে, সমগ্ৰ দেশৰ দৰে তেঁৱো ছনু ছুডক ভাল পায় আৰু সন্মান কৰে ।
We love @SonuSood and the nation will be indebted to him forever for his selfless acts, but I'm sure even Sonu will be unhappy with this foolish and uninspiring act of wasting milk in times where people are dying of hunger.. why are we so extra always with everything ??!! pic.twitter.com/liGuYuIYHt
— Kavita Kaushik (@Iamkavitak) May 20, 2021
কিন্তু তেওঁ কয় যে, দেশত এনে দুখৰ সময়ত, যেতিয়া মানুহে খাদ্য অবিহনে মৃত্যু মুখত পৰিছে, গাখীৰ অপচয় কৰাৰ কোনো অৰ্থ নাই । অভিনেত্ৰীগৰাকীয়ে কয়, ‘আমি সকলোবোৰ কিয় অত্যাধিক কৰো ?’ একে সময়তে, তেওঁৰ মতে,ছনুৱে এই ঘটনাটো দেখি সুখী হ’ব নালাগে ।
কিন্তু ছনু ছুডে পূৰ্বেই ভিডিঅ’টো সামাজিক মাধ্যমত শ্বেয়াৰ কৰি কৈছিল যে, তেওঁ কৃতজ্ঞ ।