প্ৰয়াত ‘লাঞ্চ বক্স’ৰ কাষ্টিং পৰিচালক ছেহেৰ আলী লতিফ, শোক প্ৰকাশ কৰিলে বলীউড তাৰকাসকলে

বলীউডৰ অন্যতম কাষ্টিং পৰিচালক ছেহেৰ আলীৰ সোমবাৰে দেহাৱসান ঘটে । হৃদৰোগত আক্ৰান্ত হৈছিল ছেহেৰ ।

ছেহেৰৰ বন্ধু তথা পৰিচালক নীৰজ উধ্বানিয়ে জনায়, তেওঁৰ কিড্‌নী নিষ্ক্ৰিয় হৈ পৰিছিল । আঠদিন পূৰ্বে তেওঁক লীলাৱতী চিকিৎসালয়ত ভৰ্তি কৰোৱা হৈছিল । চিকিৎসকে জনায় যে, কোনো সংক্ৰমণৰ বাবে কিড্‌নী নিষ্ক্ৰিয় হৈ পৰিছিল । কিন্তু চিকিৎসাৰ ফলত তেওঁ সুস্থ হৈ উঠিছিল । তৎস্বত্তেও প্ৰাণ ৰক্ষা নপৰে ।

লাঞ্চ বক্স, দুৰ্গামতী, মস্কা, ভাগ বিনি ভাগ ইত্যাদি একাধিক জনপ্ৰিয় চলচ্চিত্ৰ আৰু ৱেবছিৰিজৰ চৰিত্ৰৰ বাবে শিল্পী নিৰ্বাচন কৰিছিল তেওঁ । তেওঁৰ মৃত্যুৰ বতৰাত অনুৰাগ কাশ্যপ, ৰাজকুমাৰ ৰাও, স্বৰা ভাস্কৰ, নিম্ৰত কৌৰ, হুমা কুৰেশ্বি, ছানিয়া মালহোত্ৰা, নোৰা ফতেহিসহ একাধিক অভিনেতা-অভিনেত্ৰীয়ে সামাজিক মাধ্যমত শোক প্ৰকাশ কৰিছে ।