হঠাৎ মাটি তললৈ সোমাই বৃহৎ গহ্বৰ সৃষ্টি হ’ল পাৰ্কিং লটৰ এটা অংশত । নিমিষতে মাটিৰ তলত সোমাই গ’ল তিনিখন গাড়ী । এই ঘটনা সংঘটিত হৈছে জেৰুজালেমৰ এখন হাস্পতালৰ পাৰ্কিং লটত । আৰক্ষীয়ে দিয়া তথ্য অনুসৰি, কোনো আহত হোৱাৰ খবৰ পোৱা নাই । অগ্নি নিৰ্বাপক বাহিনীৰ সাতটা ইঞ্জিন ঘটনাস্থলত গৈছিল ।
সোমবাৰে সন্ধিয়া জেৰুজালেমৰ ছাৰে জেডেক মেডিকেল চেণ্টাৰৰ পাৰ্কিং লটত এই ঘটনা ঘটে । কৰ্তৃপক্ষই জনায়, ছিংকহ’ল বা বৃহৎ গহ্বৰটো এটা ৰাষ্ট্ৰীয় ঘাইপথৰ কাষত হৈছে । সেই ঠাইত এটা সুৰংগ নিৰ্মাণ কৰা হৈছে । স্থানীয় প্ৰতিবেদন অনুসৰি, সুৰংগটো হাস্পতাল আৰু পাৰ্কিং লটৰ তলেৰে গৈছে ।
ঘটনা সংঘটিত হোৱাৰ পাছতে আৰক্ষীয়ে অগ্নি নিৰ্বাপক বাহিনী আৰু উদ্ধাৰকাৰী দলৰ স’তে অঞ্চলটোত অনুসন্ধান চলায় । হাস্পতালৰ কাষৰ পথসমূহ বন্ধ কৰি দিয়া হয় ।