চৰকাৰী উপদেষ্টা পেনেলৰ এজন শীৰ্ষ চিকিৎসকে কয়, বায়’লজিকেল ই-য়ে প্ৰস্তুত কৰা মেড্-ইন-ইণ্ডিয়া ভেকচিন ক’ভিডৰ বিৰুদ্ধে যুঁজত ৯০ শতাংশ কাৰ্যকৰী হ’ব । লগতে ই মহামাৰীৰ বিৰুদ্ধে যুঁজত গেমচেঞ্জাৰ হ’ব পাৰে । কেন্দ্ৰৰ ক’ভিড ৱ’ৰ্কিং গ্ৰুপৰ মুৰব্বী এন কে অৰ’ৰাই কয়, প্ৰতিষেধকটোৰ তিনি নম্বৰ পৰ্যায়ৰ পৰীক্ষণ চলি আছে আৰু অক্টোবৰত উপলব্ধ হোৱাৰ সম্ভাৱনা আছে ।
ডাঃ অৰ’ৰাই কয়, বায়’লজিকেল ই-ৰ প্ৰতিষেধকবিধক ক’ৰবিভেক্স বুলি কোৱা হ’ব, ই ন’ভাভেক্স ভেকচিনৰ স’তে একেই, সংস্থাৰ মতে যি ক’ভিড ভেৰিয়েণ্টৰ বিৰুদ্ধে ৯০ শতাংশ অধিক কাৰ্যকৰী । ছেৰাম ইনষ্টিটিউট অৱ ইণ্ডিয়াত ন’ভাভেক্স প্ৰস্তুত কৰা হ’ব ।
ডাঃ অৰ’ৰাই কয়, ‘ন’ভাভেক্স অতি ৰোমাঞ্চকৰ । ভাৰতে বছৰি ইয়াৰ প্ৰায় কোটি কোটি ড’জ প্ৰস্তুত কৰিব । ই ৯০ শতাংশ কাৰ্যকৰিতাৰে সাধাৰণ আৰু সুলভ মূল্যৰ হ’ব ।’
তেওঁ লগতে কয়, ‘ইয়াৰ অনুৰূপ এটা ভাৰতীয় প্ৰতিষেধকৰ তৃতীয় পৰ্যায়ৰ পৰীক্ষণ চলি আছে, বায়’ ই ভেকচিন । এই প্ৰতিষেধকবোৰ ৰোমাঞ্চকৰ কাৰণ, আমাৰ অনুৰূপ প্লেটফৰ্মত পূৰ্বৰ অভিজ্ঞতা আছে । এই প্ৰতিষেধকবোৰ সকলো বয়সৰ বাবে নিৰাপদ আৰু উচ্চ কাৰ্যকৰী ।’
বায়’ ই-ৰ বিশেষ ক্ষমতা আছে কাৰণ, হায়দৰাবাদস্থিত বায়’লজিকেল ই-ৰ দ্বাৰা বিকশিত প্ৰতিষেধক জনসাধাৰণে মাত্ৰ ২৫০ টকাত দুটা ড’জ লাভ কৰিব ।