ক’ভিড পৰিস্থিতিৰ বাবে সমগ্ৰ ৰাজ্যৰ লগতে হাউলীতো আজি অনুষ্টুপীয়াকৈ হাউলী আঞ্চলিক ছাত্ৰ সন্থাৰ উদ্যোগত কলাগুৰু বিষ্ণুপ্ৰসাদ ৰাভাৰ স্মৃতি দিৱস উদ্যাপন কৰা হয় । হাউলীৰ শ্বহীদ বেদীৰ প্ৰাংগণত অনুষ্ঠিত হোৱা কাৰ্যসূচীত পুৱা পতাকা উত্তোলন কৰে হাউলী আঞ্চলিক ছাত্ৰ সন্থাৰ উপদেষ্টা উৎপল ৰায়ে ।
শ্বহীদ তৰ্পণ কৰে হাউলী আঞ্চলিক ছাত্ৰ সন্থাৰ সাধাৰণ সম্পাদক ৰাজু দাসে। ইয়াৰ পাছতে হাউলী আঞ্চলিক ছাত্ৰ সন্থাৰ বিষয়ববীয়াসকলে বিষ্ণুপ্ৰসাদ ৰাভাৰ প্ৰতিকৃতিত বন্তিপ্ৰজ্বলন আৰু মাল্যাৰ্পণ কৰে । ক’ভিড পৰিস্থিতিৰ বাবে সীমিত কাৰ্যসূচীৰে কাৰ্যসূচী সমাপন কৰে ।