এওঁ কৰে যে, মহাকাশ যোৱাৰ সপোন কাৰো একচেটিয়া হ’ব নোৱাৰে । সেয়ে ‘মহাকাশ প্ৰত্যেকৰে’ ইউৰোপীয় স্পেচ এজেন্সি (ইএছএ)ৰ প্ৰধান হিচাপে এই কথা ঘোষণা কৰিবলৈ পায় সুখী জোছেফ এছবাকাৰ ।
ল’ৰালিকালত তেওঁ অষ্ট্ৰেলিয়াত পাহাৰীয়া পামত বহি আকাশৰ তৰা চাই ভাল পাইছিল । বয়স, লিংগ নিৰ্বিশেষে সকলোৱে যে আজীৱন সেই টান অনুভৱ কৰে, সেইটো নিজক উদাহৰণ দিয়েই বুজায় এছবাকাৰে । কেৱল শাৰীৰিক সক্ষমতাই নহয়, শাৰীৰিক কোনো প্ৰতিবন্ধকতাইও মহাকাশ যোৱাৰ স্বপ্নক বাধা দিব নোৱাৰে । এছবাকাৰ সুখী যে, এই স্বপ্নৰ দুৱাৰ খুলিব তেওঁলোকে ।
এইবাৰ শাৰীৰিকভাৱে বিশেষ সক্ষম লোকসকলেও মহাকাশ যাব পাৰিব । এছবাকাৰে জনায়, ইএছএ-য়ে অদূৰ ভবিষ্যতত শাৰীৰিকভাৱে সক্ষম লোকক মহাকাশত প্ৰেৰণ কৰাৰ পৰিকল্পনা কৰিছে । বিশ্বত প্ৰথমবাৰ এনে ঘটনা সংঘটিত হ’ব । এনেধৰণৰ লোকৰ বাবে পোছাকৰ পৰা মহাকাশযানত কেনেধৰণৰ পৰিৱৰ্তন আনিব লাগিব সেইটো পৰ্যৱেক্ষণ কৰাই তেওঁলোকৰ উদ্দেশ্য । লগতে মহাকাশ আৱৰ্জনাৰ সমস্যাৰ বিষয়টো কাম কৰিব মহাকাশচাৰীসকলে ।
আগন্তুক দশকত মহাকাশচাৰী হোৱাৰ বাবে ইউৰোপৰ ২৫খন দেশৰ পৰা বিপুল আবেদন লাভ কৰিছে ইএছএ-ই । ইতিমধ্যে ২২ হেজাৰজনে আবেদন কৰিছে । ইয়াৰ ভিতৰত শাৰীৰিক প্ৰতিবন্ধকতা থকা দুশজন লোকে আবেদন কৰিছে ।
মহিলাসকলৰ মাজতো আগ্ৰহ দেখিবলৈ পোৱা গৈছে । ২০০৮ত অন্তিমবাৰৰ বাবে নিয়োগ অভিযান হৈছিল । সেই সময়ত আবেদনকাৰীসকলৰ ভিতৰত ১৫ শতাংশ মহিলা আছিল । এইবাৰ এই হাৰ বৃদ্ধি পাইছে ২৪ শতাংশলৈ । সংখ্যাৰ হিচাপত পাঁচ হেজাৰ চাৰিশ ১৯ গৰাকী । ইএছএ-ই এই পৰ্যন্ত মাত্ৰ দুগৰাকী মহিলাক মহাকাশলৈ প্ৰেৰণ কৰিছে । বিশ্বৰ ৫৬০ জন মহাকাশচাৰীৰ ভিতৰত মাত্ৰ ৬৫ গৰাকী মহিলা, অধিক সংখ্যকেই আমেৰিকাৰ । মহাকাশ ভ্ৰমণত লিংগ বৈষম্য হ্ৰাস কৰাও অন্যতম লক্ষ্য ইএছএ-ৰ ।
অৱশ্যে প্ৰতিযোগিতা বহুত কঠিন । কাৰণ শেষ পৰ্যন্ত মাত্ৰ পাঁচ-ছয় জনকহে মহাকাশচাৰী হিচাপে বাছনি কৰা হ’ব । ৰিজাৰ্ভ বেঞ্চত থাকিব ২০ জন । এই ক্ষেত্ৰত সদায় ফ্ৰান্স, ব্ৰিটেইন আৰু জাৰ্মানেই অধিক শক্তিশালী হৈ আছে । ব্ৰিটেইনে এতিয়া ইউৰোপীয় ইউনিয়নৰ সদস্য নহয় যদিও, ইএছএ-ৰ স’তে সম্পৰ্ক ছেদ হোৱা নাই । ব্ৰিটেইনৰ পৰাও আবেদন আহিছে । ইউৰোপৰ পৰা ইমান সঁহাৰি পায় বিস্মিত এছবাকাৰ ।