তৃতীয়বাৰৰ বাবে বংগত শাসনলৈ অহাৰ পাছত ২১ জুলাইত তৃণমূলৰ শ্বহীদ দিৱস উপলক্ষে এক সমদলৰ পৰিকল্পনা চলিছে ৷ অৱশ্যে, কৰ’না পৰিস্থিতিৰ প্ৰতি লক্ষ্য ৰাখি জনসমাগম নহয়, ভাৰ্চুৱেল ৰেলীৰ পথত মমতা বেনাৰ্জী ।
২১ জুলাইৰ দুপৰীয়া প্ৰায় দুই বজাত কালীঘাটত মমতা বেনাৰ্জীয়ে ভাষণ দিব। অভিষেক বন্দোপধ্যায়, সুব্ৰত বক্সী আৰু পাৰ্থ চট্টোপধ্যায়ৰ দৰে আগশাৰীৰ নেতাসকল উপস্থিত থাকিব।
প্ৰতিটো বিধানসভা সমষ্টিত সভাও অনুষ্ঠিত হ’ব । কেন্দ্ৰীয় এখন ঠাই নিৰ্ধাৰণ কৰিছে য’ত মঞ্চখন থাকিব আৰু বিধায়ক আৰু কাউঞ্চিলাৰসকলক প্ৰতিটো বুথত অনুষ্ঠিত হ’বলগীয়া দলীয় কাৰ্যসূচীৰ ওপৰত তীক্ষ্ণ নজৰ ৰাখিবলৈ কোৱা হৈছে ।
বুথ পৰ্যায়ৰ কৰ্মীসকলে দুটা পৰ্যায়ত কাৰ্যসূচীটো সম্পাদন কৰিব পাৰিব । প্ৰথম পৰ্যায়ত, প্ৰতিটো বুথত পুৱা ১০ বজাত ৫০ জন কৰ্মী একত্ৰিত হ’ব । এই ক্ষেত্ৰত, সকলো সামাজিক দূৰত্ব মানি কাম কৰিব লাগিব ।
মুখ্যমন্ত্ৰী মমতাৰ বক্তব্য দুপৰীয়া দুই বজাৰ পৰা পৰ্দাত পোনপটীয়াকৈ দেখুওৱা হ’ব । বিধায়ক আৰু অন্যান্য নেতাসকলক সেই স্থানত উপস্থিত থাকিবলৈ কোৱা হৈছে ।
২১ জুলাইত, ধৰ্মতলাত শ্বহীদৰ তৰ্পণ প্ৰণালী হ’ব । দলটোৰ শীৰ্ষ নেতাসকল দুপৰীয়া প্ৰায় ১২ বজাত উপস্থিত থাকিব। সকলো ব্যৱস্থা ক’ভিড নিয়ম অনুসৰি হ’বলৈ কোৱা হৈছে।
চহৰখনৰ কে’বাটাও গুৰুত্বপূৰ্ণ স্থানত পৰ্দা উপলব্ধ হ’ব, যাৰ ভিতৰত আছে শ্যামবজাৰ, গিৰীশ পাৰ্ক, লেকটাউন, পাৰ্ক ষ্ট্ৰীট, এস্প্লেনেড, চেতলা, টলিগুঞ্জ, হাজৰা। এই ঠাইসমূহতে অনুষ্ঠিত হ’ব তৃণমূলৰ শ্বহীদ দিৱসৰ ভাৰ্চুৱেল অনুষ্ঠান ।
