কোকৰাঝাৰ জিলাৰ ভোটগাঁৱত জল জীৱন মিছন আঁচনিৰ আজি আৰম্ভণি কৰে বিটিআৰৰ মুখ্য কাৰ্যবাহী সদস্য প্ৰমোদ বড়োয়ে । উক্ত অনুষ্ঠানত প্ৰমোদ বড়োৰ লগতে উপস্থিত থাকে বিটিআৰৰ স্বাস্থ্য আৰু পৰিয়াল কল্যাণ বিভাগৰ ই এম অৰূপ কুমাৰ দে, বিটিআৰৰ জন স্বাস্থ্য আৰু কাৰিকৰী বিভাগৰ কাৰ্যবাহী সদস্য নীলুত স্বৰ্গীয়াৰী, সহকাৰী আয়ুক্ত অংকিতা দত্ত, কাৰ্যকৰী অভিযন্তা যোগানন্দ নাথ, সহকাৰী অভিযন্তা মনোজ নন্দী লগতে অইন অইন বিষয়ববীয়াসকল ।
উক্ত অনুষ্ঠানত উপস্থিত হৈ ভাষণ প্ৰসংগত প্ৰমোদ বড়োয়ে কয় যে, বিটিআৰত দুই লাখ ৫০ হেজাৰ পৰিয়ালে ঘৰে ঘৰে জল জীৱন আঁচনিৰ পানী পাব । ইপিনে, ফকিৰাগ্ৰামতো জল জীৱন মিছন আঁচনিৰ আৰম্ভণি কৰে বিটিআৰৰ স্বাস্থ্য আৰু পৰিয়াল কল্যাণ বিভাগৰ ই এম অৰূপ কুমাৰ দেই ।
উক্ত অনুষ্ঠানত উপস্থিত থাকে বিটিআৰৰ জন স্বাস্থ্য আৰু কাৰিকৰী বিভাগৰ কাৰ্যবাহী সদস্য নীলুত স্বৰ্গীয়াৰী, সহকাৰী আয়ুক্ত অংকিতা দত্ত, কাৰ্যকৰী অভিযন্তা যোগানন্দ নাথ,সহকাৰী অভিযন্তা মনোজ নন্দী লগতে অইন অইন বিষয়ববীয়া সকল ।
উক্ত অনুষ্ঠানত বিটিআৰৰ জন স্বাস্থ্য আৰু কাৰিকৰী বিভাগৰ কাৰ্যবাহী সদস্য নীলুত স্বৰ্গীয়াৰীয়ে সাংবাদিকৰ সাক্ষাৎকাৰত কয় যে আজিৰ দিনটোত বিটিআৰত ৩০১৫ টা পৰিয়ালে জল জীৱন মিছন আঁচনিৰ পানী পাইছে । নীলুত স্বৰ্গীয়াৰীয়ে লগতে কয় যে প্ৰতি মাহৰ শেষৰ দিনটোত বিভিন্ন স্থানত জল জীৱন মিছন আঁচনিৰ আৰম্ভণি কৰা হ’ব ।