বৰপেটা জিলাৰ কলগাছিয়া ৰাজহ চক্ৰৰ অন্তৰ্গত সাওৰাচৰা আৰু মজিদভিটা গাঁৱত বেঁকী নৈৰ বিধ্বংসী গৰাখহনীয়া । চপৰা-চপৰে নৈ পৰীয়া ৰাইজৰ ভেটি মাটি খহিছে । যোৱা কেইদিনত নৈৰ বুকুত ২০ টাকৈ পৰিয়ালৰ সৰ্বস্ব জাহ গৈছে ।
সম্প্ৰতি গৰাখহনীয়াগ্ৰস্তৰ আশ্ৰয়স্থান গছৰ তলত নতুবা পথৰ দাঁতিত । ভুক্তভোগীৰ খবৰ ল’বলৈ আহৰি নাই জনপ্ৰতিনিধিৰ।সেয়ে আজি ক্ষোভিত ৰাইজে স্থানীয় সাংসদ আব্দুল খালেক, বিধায়ক ৰফিকুল ইছলাম আৰু মন্ত্ৰী পিযুষ হাজৰিকাৰ প্ৰতিকৃতি দাহ কৰি তীব্ৰ প্ৰতিবাদ সাব্যস্ত কৰে ।
প্ৰতিবাদকাৰীয়ে অসম চৰকাৰ হায় হায়, পিযুষ হাজৰিকা মুৰ্দাবাদ, আব্দুল খালেক মুৰ্দাবাদ, হাফিজ ৰফিকুল মুৰ্দাবাদ, গৰাখহনীয়া প্ৰতিৰোধ কৰিব লাগিবই আদি শ্লোগানেৰে পৰিৱেশ উত্তাল কৰি তোলে ।