কোকৰাঝাৰ জিলাৰ অধীন ফকিৰাগ্ৰামত কল্পজ্যোতি ফাউণ্ডেচনে দিনজোৰা কাৰ্যসূচীৰে ৭৫ সংখ্যক স্বাধীনতা দিৱস পালন কৰে । অনুষ্ঠানৰ কাৰ্যসূচী অনুসৰি ৰাতিপুৱা ভাৰতৰ ৰাষ্ট্ৰীয় পতাকা উত্তোলন, চিত্ৰাংকন প্ৰতিযোগিতা, বিভিন্ন ধৰণৰ নৃত্যৰ প্ৰতিযোগিতামূলক অনুষ্ঠানৰ লগতে দুখীয়া দৰিদ্ৰ লোকসকলক দুপৰীয়া এসাঁজ আহাৰ বিতৰণো কৰে ।
চিত্ৰাংকন প্ৰতিযোগিতা আৰু নৃত্য প্ৰতিযোগিতাত অংশগ্রহণ কৰি বিজয়ী হোৱা প্ৰতিযোগিসকলক কল্পজ্যোতি ফাউণ্ডেচনৰ তৰফৰ পৰা আকৰ্ষণীয় পুৰস্কাৰ প্ৰদান কৰা হয় ।
উক্ত অনুষ্ঠানত উপস্থিত থাকে ফকিৰাগ্ৰাম থানাৰ ভাৰপ্ৰাপ্ত বিষয়া অজয় সাহা, চি অ’, ভিডিঅ’ৰ লগতে ফকিৰাগ্ৰাম থানাৰ আৰক্ষীসকল ।