কলগাছিয়াৰ বামুনটাৰীত আন্তঃজিলা যাতায়তক কেন্দ্ৰ কৰি বাছ চালকসকলৰ মাজত তীব্ৰ উত্তেজনাই দেখা দিছে । আন্তঃজিলা যাতায়ত একাংশ বাছ বন্ধ ৰাখিছে যদিও আন কিছুমান বাছ গাড়ী চলাচল কৰিবলৈ দিয়াত কলগাছিয়াৰ বামুনটাৰীত ঘৰতে বহি থকা ড্ৰাইভাৰ, হেণ্ডিমেনসকলে চৰকাৰৰ এই দুমুখীয়া নীতিৰ বিৰুদ্ধে ক্ষোভ প্ৰকাশ কৰিছে ।
গুৱাহাটীৰ পৰা ধুবুৰীলৈ যোৱা বাছত একাংশ চালক হেণ্ডিমেনে বাধা আৰোপ কৰাত দুয়ো পক্ষৰ মাজত বাকযুদ্ধ আৰম্ভ হয় । ইফালে কলগাছিয়া আৰক্ষী থানাৰ অন্তৰ্গত বালিকুৰী আৰক্ষী চকীৰ আৰক্ষী বিষয়াই গাড়ী সমুহ যাবলৈ দিয়া দেখা গৈছে, ফলত আৰক্ষী আৰু বাছৰ শ্ৰমিক পক্ষৰ মাজত তীব্ৰ উত্তেজনা বিৰাজ কৰিছে ।
আনহাতে, তলাবন্ধৰ সময়ছোৱাত বহু বাছৰ কৰ্মচাৰীৰ পৰিয়াল অনাহাৰে থাকিবলগীয়া হৈছে । মাস্ক পৰিধান নকৰাৰ হুংকাৰ শ্ৰমিকসকলৰ । এই ক্ষেত্ৰত ৰাজ্য চৰকাৰৰ দৃষ্টিগোচৰ কামনা কৰিছে ভুক্তভোগীসকলে ।