কাবুল বিমানবন্দৰৰ পৰা আৰু ৮৫ জন ভাৰতীয়ক লৈ উৰা মাৰিলে বায়ুসেনাৰ বিমান চি-১৩০জে । সংবাদ সংস্থা এএনআই-কেৰ এজন চৰকাৰী বিষয়াই জনাইছে, আফগানিস্তানৰ পৰা ভাৰতীয়সকলক স্থানান্তৰ কৰাৰ বাবে আকুল প্ৰচেষ্টা কৰা হৈছে ।
এএনআইয়ে টুইট কৰি কয়, “৮৫ জন ভাৰতীয়ক বায়ু সেনাৰ কাৰ্গো বিমানে ঘূৰাই আনিছে। বিমানখন ইন্ধন ভৰাবলৈ তাজিকিস্তানত অৱতৰণ কৰিছিল। বিমানখন শনিবাৰেহে ভাৰতত উপস্থিত হ’ব। প্ৰায় এহেজাৰ ভাৰতীয় এতিয়াও আফগানিস্তানত আৱদ্ধ হৈ আছে বুলি জানিব পৰা গৈছে যদিও সকলো কূটনীতিবিদক বহিষ্কাৰ কৰা হৈছে।
কেন্দ্ৰীয় গৃহ মন্ত্ৰণালয়ৰ এজন বিষয়াই কয় যে এনে পৰিস্থিতিত কিমানজন লোক আৱদ্ধ হৈ আছে চিনাক্ত কৰা কঠিন। কাৰণ বহুতে কাবুলৰ ভাৰতীয় দূতাবাসত নাম নথিভুক্ত কৰা নাই।
তথ্য অনুসৰি কাৰ্গো বিমানখন ৰখাই থোৱা হৈছে। কমেও ২৫০ জন লোকক ঘূৰাই আনিব পাৰি। কাবুলত আৱদ্ধ ভাৰতীয়সকলক বিমানবন্দৰলৈ লৈ যোৱাৰ লগে লগে বিমানেৰে ঘূৰাই অনা হ’ব। ভাৰত চৰকাৰে আমেৰিকা যুক্তৰাষ্ট্ৰৰ স’তে আলোচনা কৰি আছে। কাৰণ এতিয়া কাবুল বিমানবন্দৰ আমেৰিকান সেনাৰ হাতত আছে।
গতিকে আমেৰিকা যুক্তৰাষ্ট্ৰৰ সেনাক ভাৰতীয়সকলক তালৈ লৈ যোৱাৰ বাবে সহায়ৰ প্ৰয়োজন। ভাৰতীয় নাগৰিকসকলক সুৰক্ষিতভাৱে বিমানবন্দৰলৈ লৈ যোৱাটো নিশ্চিত কৰিবলৈ দিল্লীয়ে তালিবানৰ স’তেও আলোচনা কৰি আছে।
