আফগানিস্তানত আৱদ্ধ হৈ থকা ১৬৮ জনলোকক উদ্ধাৰ কৰি দিল্লীলৈ উভতিল ভাৰতীয় বায়ুসেনা বাহিনীৰ বিমান । ইয়াৰ ভিতৰত, ১০৭ জন ভাৰতীয়। বায়ু সেনাৰ বিমানখন দেওবাৰে ৰাতিপুৱা দিল্লীৰ ওচৰৰ হিন্দন এয়াৰবেচত অৱতৰণ কৰে।
ইয়াৰ পূৰ্বে অৱশ্যে তিনিখন বিমানে কাবুলৰ পৰা প্ৰায় ১০০ জন ভাৰতীয়ক উদ্ধাৰ কৰি দিল্লীলৈ উভতি আহিছিল।
এয়াৰ ইণ্ডিয়া, ইণ্ডিগো আৰু ভিস্তাৰাৰ তিনিখন বিমান দেওবাৰে পুৱা কাটাৰৰ ৰাজধানী দোহা আৰু তাজিকিস্তানৰ ৰাজধানী দাচানবেৰ বিমানবন্দৰৰ পৰা দিল্লীলৈ উভতি আহে। ভাৰতীয় বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচিয়ে এই খবৰটো টুইটাৰযুগে জনাইছে ।
তথ্য অনুসৰি ভাৰতীয় বায়ু সেনাই কাবুলত আৱদ্ধ ভাৰতীয়সকলক উদ্ধাৰ কৰি তেওঁলোকক দোহা আৰু দাচানবেলৈ লৈ গৈছিল।
কাবুল বিমানবন্দৰৰ বাহিৰত উদ্ধাৰৰ বাবে অপেক্ষা কৰি থকা ভাৰতীয়সকলক শনিবাৰে সোধা-পোছাৰ বাবে স্থানীয় আৰক্ষী চকীলৈ লৈ যোৱা হৈছিল। পাছত, ভাৰতীয় বায়ু সেনাৰ বিমানে ৮৫ জন ভাৰতীয়ক উদ্ধাৰ কৰে।
তালিবানে বৰ্তমান বাহিৰৰ পৰা কাবুলৰ বিমানবন্দৰ নিয়ন্ত্ৰণ কৰি আছে। ভাৰতৰ বৈদেশিক মন্ত্ৰালয়ৰ মতে, ভাৰতক নাটো বাহিনীয়ে প্ৰতিদিনে কাবুল বিমানবন্দৰৰ পৰা দুখন বিমান চলিবলৈ অনুমতি দিছে।
আফগানিস্তানত আৱদ্ধ হৈ থকা দূতাবাসৰ কৰ্মচাৰীসকলক উদ্ধাৰ কৰি প্ৰথমে তেওঁলোকক দেশলৈ ঘূৰাই আনিছিল। এইবাৰ তালিবান অধিকৃত দেশখনত সিঁচৰতি হৈ থকা আন হেজাৰ হেজাৰ ভাৰতীয়ক ঘৰলৈ উভতি যাবলৈ অনুমতি দিয়া হৈছে।
বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচীয়ে দেওবাৰে ভাৰতীয়সকলৰ উভতি অহাৰ পাছত ইয়াৰ খবৰ টুইটাৰত প্ৰকাশ কৰে।
শনিবাৰে নিশা তেওঁ লিখিছিল, ‘আফগানিস্তানৰ থকা ভাৰতীয়সকলৰ ঘৰলৈ উভতি আহিছে।’ এয়াৰ ইণ্ডিয়া ১৯৫৬ ইতিমধ্যে ৮৭ জন ভাৰতীয়ৰ বাবে তাজিকিস্তানৰ পৰা দিল্লীলৈ ৰাওনা হৈছে।
ভাৰতীয়সকলৰ স’তে আৰু কেবাখনো বিমান ঘৰলৈ উভতিবলৈ সাজু হৈছে। ইয়াৰ পাছত, আন কে’বাটাও টুইটত, অৰিন্দমে বিমানখন এৰি যোৱা আৰু বিমানখনত উঠি থকা ভাৰতীয়সকলৰ বিৱৰণ দিছিল। তেওঁৰ দ্বাৰা শ্বেয়াৰ কৰা এটা ভিডিঅ’ ক্লিপত দেখা গৈছে যে ভাৰতীয়সকলে বিমানখনত উঠি ‘ভাৰত মাতা কী জয়’ উচ্চাৰণ কৰিছে।
বৈদেশিক পৰিক্ৰমা মন্ত্ৰালয়ে কয় যে ভাৰতীয়সকলৰ স’তে দুজন নেপালী নাগৰিকো দিল্লীলৈ উভতি আহিছে। কিন্তু তেওঁলোকে দিল্লী পালেও, এই ভাৰতীয়সকল এতিয়া ঘৰলৈ উভতি নাহে। তেওঁলোকে কৰ’না পৰীক্ষা কৰাৰ পাছত প্ৰতিবেদন অহালৈ অপেক্ষা কৰিব লাগিব।