অগ্ৰিম সতৰ্কতা আৰু নিয়ন্ত্ৰণত সক্ষম বিশেষ বিমান তৈয়াৰ কৰিব প্ৰতিৰক্ষা গৱেষণা আৰু উন্নয়ন সংস্থা (ডি আৰ ডি অ’)ই । এই প্ৰকল্পত মুঠ ১১ হেজাৰ কোটি টকা ব্যয় হ’ব । ডি আৰ ডি অ’ক এই প্ৰকল্পৰ বাবে সেউজ সংকেত দিলে ভাৰতৰ প্ৰতিৰক্ষা বিষয়ক কেবিনেট কমিটীয়ে ।
এয়াৰ ইণ্ডিয়াৰ পৰা বিশেষ এয়াৰবাছ ক্ৰয় কৰি সেইসমূহত বিশেষ ‘অগ্ৰিম সতৰ্কতা’ ব্যৱস্থা সংলগ্ন কৰি বায়ুসেনাৰ হাতত অৰ্পণ কৰিব ডি আৰ ডি অ’ই । যোৱা নিশা প্ৰতিৰক্ষা বিষয়ক কেবিনেট কমিটীয়ে ৫৬ খন চি ২৯৫ মধ্যমীয়া বিমান ক্ৰয়ৰ প্ৰস্তাৱতো অনুমোদন জনালে । ইয়াৰ বাবে ভাৰতে ২২ হেজাৰ কোটি টকা ব্যয় কৰিব ।
ডি আৰ ডি অ’ই নতুন এ ই ডব্লিউ এণ্ড চি ব্যৱস্থা এয়াৰবাছ এ ৩২১ বিমানত সংস্থাপন কৰিব । এই ‘নেত্ৰ’ ব্যৱস্থাৰ পৰিসীমা হ’ব ২০০ কিলোমিটাৰ পৰ্যন্ত ।