৯/১১ আক্ৰমণৰ ২০তম বর্ষপূর্তিত আল কায়দা প্রধান আল জাৱাহিৰিৰ এটা ভিডিঅ’ক লৈ হুলস্থূল লাগিছে আন্তর্জাতিক মহলত । অসুস্থতাৰ বাবে যাৰ মৃত্যুৰ খবৰ পোৱা গৈছিল, সেই জাৱাহিৰিক ভিডিঅ’ বার্তা দিয়া দেখা গৈছে । ৬০ মিনিটৰ সেই ভিডিঅ’ প্রকাশ কৰিছে আল কায়দাৰ মুখপত্র আছ-সাহাবে ।
অ’ছামা বিন লাদেনৰ পাছত আল কায়দাৰ প্রধান হয় জাৱাহিৰি । দায়িত্ব গ্ৰহণ কৰাৰ পাছৰ পৰাই তেওঁ অন্তৰ্ধান হৈ আছিল । ২০২০-ত হঠাৎ তেওঁৰ মৃত্যুৰ খবৰ বিয়পি পৰে । অসুস্থতাৰ বাবে আল কায়দা প্রধানৰ মৃত্যু হৈছে বুলিও প্রচাৰ হয় । তাৰ পাছৰ পৰা তেওঁৰ কোনো ভিডিঅ’ বা তেওঁৰ সম্পর্কে কোনো তথ্যই প্ৰকাশ নাপায় ।
কিন্তু ৯/১১ বর্ষপূর্তিৰ দিনাই আল কায়দা প্রধানৰ ভিডিঅ’ প্ৰকাশ কৰিলে আছ-সাহাবে । পুৱাৰ পৰাই টেলিগ্রাম চেনেলে প্র’ম’ চালাই আছিল আছ-সাহাবে । ইয়াৰ পাছতেই আল কায়দাৰ ভৱিষ্যতক লৈ জাৱাহিৰিৰ ৮৫২ পৃষ্ঠাৰ এটা লেখা প্রকাশ কৰে আল কায়দা মুখপত্রই । বহীখনৰ প্রকাশ কৰাৰ পাছতেই ভিডিঅ’টো প্ৰকাশ কৰে তেওঁলোকে ।
17) Amid rumors of his death, al-Qaeda leader Ayman al-Zawahiri shown in new 60-minute video, this time offering some evidence that he is not dead–particularly, reference to events after December, when rumors of death surfaced. (A speech from March offered no such proof) pic.twitter.com/IXpz6wIZvh
— Rita Katz (@Rita_Katz) September 11, 2021
ভিডিঅ’ত দেখা গৈছে, ২০২০-ত নিহত আল কায়দা সন্ত্ৰাসবাদীসকলক স্মৰণৰ লগতে প্রশংসাও কৰিছে জাৱাহিৰিয়ে । সম্পূৰ্ণ ভিডিঅ’টোত মাত্র এবাৰে আফগানিস্তানৰ বর্তমান পৰিস্থিতিৰ বিষয়ে কয় জাৱাহিৰিয়ে । সেই বিষয়ত তেওঁ কয়, দীর্ঘ ২০ বছৰ যুদ্ধৰ পাছত আমেৰিকা পৰাস্ত হৈছে । আফগানিস্তান ত্যাগ কৰি সম্পূৰ্ণভাৱে গুচি গৈছে ।
