ৰতন টাটাৰ সংস্থাক দেশৰ চৰকাৰী বিমান পৰিবহণ সংস্থা এয়াৰ ইণ্ডিয়াৰ শ্বেয়াৰ বিক্রীৰ বিষয়ত এতিয়াও কোনো সিদ্ধান্তত উপনীত হোৱা নাই । শুকুৰবাৰে কেন্দ্রৰ তৰফৰ পৰা এই কথা জনায় । টাটা ছন্সে জমা দিয়া দৰপত্রটোৱে চৰকাৰী অনুমোদন পাইছে বুলি বিভিন্ন সংবাদমাধ্যমত যি খবৰ প্রচাৰিত হৈছে সেয়া কেন্দ্রীয় ‘বিলগ্নিকৰণ আৰু ৰাষ্ট্ৰীয় সংস্থা নিয়ন্ত্রণ দফতৰে’ খাৰিজ কৰিছে ।
কেন্দ্রীয় অর্থ মন্ত্রণালয়ৰ অধীনস্থ ‘বিলগ্নিকৰণ আৰু ৰাষ্ট্ৰীয় সংস্থা নিয়ন্ত্রণ দফতৰে’ টুইটাৰত জনায়, ‘এয়াৰ ইণ্ডিয়াৰ বিলগ্নিকৰণৰ বিষয়ত চৰকাৰে দৰপত্র অনুমোদন কৰিছে বুলি সংবাদমাধ্যমত যি খবৰ প্রচাৰিত হৈছে সেয়া ভুৱা । এই বিষয়ত কোনো সিদ্ধান্ত হ’লে চৰকাৰক জনোৱা হ’ব ।’