উচ্চতম ন্যায়ালয়ৰ নিৰ্দেশনা উলংঘা কৰি অসম তথা উত্তৰ পূৰ্বাঞ্চলত মোদী চৰকাৰে পাম খেতিৰ বাবে পুঁজি আৱন্তনৰ ঘোষণা কৰিছে বুলি সদৰী কৰে অসম জাতীয় পৰিষদে ।
● পাম খেতিৰ বাবেই মালয়েছিয়া আৰু ইন্দোনেছিয়াৰ ৬০ শতাংশ বনাঞ্চল ধ্বংস হৈছে
● প্ৰতি হেক্টৰ পাম খেতিৰ বাবে প্ৰয়োজন তিনিশ লিটাৰ পানী
● পাম খেতিয়ে অসমৰ ভূমিৰ আৰ্দ্ৰতা নোহোৱা কৰি খেতিৰ অনুপযোগী কৰি পেলাব
● পৰিৱেশ, জৈৱ বৈচিত্ৰ্যলৈ নামি আহিব ভাবুকি
● ১৯৮০ত আন্দামান নিকোবৰ দ্বীপপুঞ্জত পাম খেতিৰ পাইলট প্ৰজেক্টৰ কাম বন্ধৰ নিৰ্দেশ দিছিল উচ্চতম ন্যায়ালয়ে
● মোদী চৰকাৰে উচ্চতম ন্যায়ালয়ৰ নিৰ্দেশনা উলংঘা কৰিছে
● অসম চৰকাৰে কেবিনেটত সৰুপথাৰ বেল্ট খৰাংপীড়িত অঞ্চল ঘোষণা কৰিও কিদৰে পাম খেতিৰে অসমৰ অন্যান্য ঠাই খৰাং কৰিবলৈ আগবাঢ়িছে
● পাম খেতিৰ পৰা নিৰ্গত হয় কাৰ্বন মনক্সাইড, কাৰ্বন-ডাই-অক্সাইড জাতীয় বিষাক্ত গেছ
● পাম খেতিৰে চৰকাৰে অসমৰ ৰাইজৰ উন্নয়ন নহয়, আদানী আৰু ৰামদেৱকহে ধনী কৰিবলৈ আগবাঢ়িছে
● চৰকাৰৰ ৰাষ্ট্ৰীয় পাম অইল মিছন ঘোষণাৰ পূৰ্বেই কিদৰে ৰামদেৱে পাম খেতিৰ বাবে ভূমি ক্ৰয় কৰিলে সেয়া সন্দেহৰ আৱৰ্তত
● গোপন বুজাবুজি নহ’লে কেনেকৈ সম্ভৱ
● ধ্বংসকাৰী পাম খেতিৰ পৰিৱৰ্তে চৰকাৰে কিয় সৰিয়হ, বাদাম চয়াবিনৰ খেতিত গুৰুত্ব প্ৰদান নকৰিলে
● পাম অইলৰ ষ্টেকহ’ল্ডাৰ হৈছে গৌতম আদানী
● অসমৰ সাৰুৱা মাটি ব্যৱহাৰ কৰি সেই মাটি খেতিৰ অনুপযোগী কৰি পেলোৱাৰ ষড়যন্ত্ৰ
● পাম খেতিয়ে যে অসমৰ পৰিৱেশ বিনষ্ট কৰিব পৰাকৈ ভাবুকি নানে সেই কথা চৰকাৰে স্পষ্ট কৰক
● কেৱল ক’লেই নহ’ব, কৃষি বিজ্ঞানী, পৰিৱেশ বিজ্ঞানী, সকলো দলৰ সদস্যক লৈ এখন বিশেষজ্ঞ কমিটি গঠন কৰক
● কমিটিয়ে বিষয়টোৰ ওপৰত অধ্যয়ন কৰি প্ৰতিবেদন দাখিল কৰক
● যদি সেই প্ৰতিবেদন অনুসৰি তেনে কোনো ভাবুকি নাহে তেনেহ’লে সেই খেতি আদানী ৰামদেৱে নহয় অসমৰ কৃষকে কৰিব ।