হলিউডত এসময়ত আলােড়ন সৃষ্টি কৰা কল্পবিজ্ঞানভিত্তিক চলচ্চিত্র ‘ষ্টাৰ ট্রেক দ্য অৰিজিনেল ছিৰিজ’ৰ জনপ্রিয় অভিনেতা উইলিয়াম ছাটনাৰে এইবাৰ বাস্তৱত মহাকাশ অভিমুখে ৰাওনা হ’ব। অহা মঙলবাৰে ভাৰতীয় সময় অনুসৰি সন্ধিয়া সাত বজাত মহাকাশলৈ যাত্রা আৰম্ভ কৰিব হলিউডৰ এইজন অভিনেতাই।
৯০ বছৰ বয়সীয়া উইলিয়ামে হ’ব বিশ্বৰ প্রবীণতম মহাকাশযাত্রী। স্মর্তব্য যে ৫৫ বছৰ পূর্বে ষ্টাৰ ট্রেক’ ছবিৰ বিশেষ প্রদর্শনী অনুষ্ঠিত হৈছিল।
উইলিয়ামে জেফ বেজ’ছৰ মহাকাশ প্রতিষ্ঠান ব্লু অৰিজিনৰ মহাকাশযানত উঠি এই ঐতিহাসিক মহাকাশযাত্ৰাত অংশ ল’ব। উইলিয়ামৰ লগতে আন তিনিজন লােকেও মহাকাশলৈ যাব।