তেওঁ ক’ত আছে ? জীয়াই আছে নে নাই, তাক লৈ অনেক প্রশ্ন উত্থাপিত হৈছিল । অৱশেষত তালিবান নেতৃত্বই জনালে, বিগত বৰ্ষৰ পাকিস্তান সেনাৰ এটা আত্মঘাতী আক্ৰমণত শীর্ষ তালিবান নেতা হিবাতুল্লা আখুন্দজাদাৰ মৃত্যু হৈছে । আফগানিস্তানত নতুন তালিবান চৰকাৰ ঘোষণাৰ প্রাক-মুহূর্ততো শোনা গৈছিল, আখুন্দজাদাৰ নেতৃত্বতেই চৰকাৰ চলোৱাৰ পৰিকল্পনা কৰিছে তেওঁলোকে ।
এইবাৰ প্রবীণ তালিবান নেতা আমিৰ আল মুমিনিন শেখে এক সংবাদমাধ্যমক জনায়, ‘‘পাক–বাহিনীৰ এক আত্মঘাতী আক্ৰমণত বিগত বৰ্ষত ছহিদ হয় হিবাতুল্লা আখুন্দজাদা ।’’ যোৱা আগষ্টত তালিবান বাহিনীয়ে কাবুল দখল কৰাৰ পাছৰ পৰাই আখুন্দজাদাক লৈ একাধিক প্রশ্ন উত্থাপিত হৈছিল । শোনা গৈছিল, তেওঁ পাক-বাহিনীৰ জিম্মাত আছে । কিছু সূত্রই দাবী কৰিছিল, পাক-বাহিনীৰ হাততেই তেওঁৰ মৃত্যু হৈছে । এইবাৰ সেই তথ্যকেই মান্যতা দিলে তালিবানে ।
৯০-ৰ দশকত তালিবান যেতিয়া আফগানিস্তানৰ ক্ষমতাত আহিছিল তেতিয়া হিবাতুল্লাক চৰকাৰৰ গুৰুত্বপূর্ণ দায়িত্ব দিয়া হৈছিল । তেওঁক দেশৰ অপৰাধৰ সংখ্যা কমোৱাৰ দায়িত্ব দিয়া হৈছিল । ২০০১-ত আমেৰিকাই তালিবানক ক্ষমতাৰ পৰা উচ্ছেদ কৰাৰ সময়ত আখুন্দজাদাক তালিবান পৰিষদৰ প্রধান কৰা হয় । ২০১৫-ত তালিবান প্রধান মোল্লা মনসুৰে তেওঁৰ সহকাৰী হিচাপে নিযুক্ত কৰে হিবাতুল্লাক । ২০১৬-ত তালিবানৰ প্রধান নেতা হিচাপে নির্বাচিত হয় হিবাতুল্লা ।