তুষাৰে ঢাকিছে কেদাৰনাথৰ মন্দিৰ আৰু কাষৰীয়া অঞ্চল । তুমুল বৃষ্টিপাতৰ ফলত ভূমিস্খলনৰ শংকা বাঢ়িছে গংগোত্রীত । কেন্দ্রীয় বতৰ বিজ্ঞান কেন্দ্ৰ (আইএমডি)-ৰ পূর্বাভাস, কিছুদিনলৈকে এনে দুর্যোগ অব্যাহত থাকিব পাৰে । এনে পৰিস্থিতিতে সাময়িকভাৱে চাৰধাম যাত্রা স্থগিত ৰাখিছে উত্তৰাখণ্ড চৰকাৰে ।
দেওবাৰে উত্তৰাখণ্ড চৰকাৰৰ তৰফৰ পৰা জনোৱা হৈছে, তিনিদিন (মঙলবাৰ পর্যন্ত) চাৰধাম যাত্রা স্থগিত থাকিব । পৰৱৰ্তী সময়ত পৰিস্থিতিৰ বুজ লৈ পদক্ষেপ গ্ৰহণ কৰা হ’ব । উত্তৰাখণ্ডৰ লগতে হিমাচল প্রদেশৰ বিভিন্ন অঞ্চলতো বিগত দুদিনত প্রবল তুষাৰপাত হৈছে ।
উল্লেখ্য, প্রতি বছৰেই শীতৰ সময়ত প্রায় ছয় মাহাৰ বাবে কেদাৰ, বদ্রীনাথ, গংগোত্রী আৰু যমুনোত্রী—এই চাৰি ধাম বন্ধ ৰখা হয় । এপ্রিল-মে’ত পুনৰ তীর্থযাত্রীসকলৰ দর্শনৰ বাবে খুলি দিয়া হয় । সাধাৰণতে অক্টোবৰৰ শেষ বা নৱেম্বৰৰ আৰম্ভণিতে পুনৰ তীর্থযাত্রী আৰু দর্শনার্থীসকলৰ বাবে খুলি দিয়া হয় চাৰধাম ।