ক’ভিড প্ৰতিষেধৰ বিষয়ে পৃথিৱীৰ বিভিন্ন প্ৰান্তত এতিয়াও সন্দেহ আৰু ভয় আছে। সেই সন্দেহ আৰু ভয়ৰ বাবে বহুতে টিকাকৰণ কৰিবলৈও অস্বীকাৰ কৰিছে।
বিভিন্ন দেশৰ চৰকাৰে প্ৰতিষেধৰ ওপৰত বিভিন্ন সজাগতাৰ পদক্ষেপ গ্ৰহণ কৰিছে, কিন্তু বহু ক্ষেত্ৰত এই পদক্ষেপে ক’তো সঁহাৰি দিয়া নাই।
সেয়েহে, লোকসকলক টিকাকৰণ কৰিবলৈ উৎসাহিত কৰাৰ বাবে ৰাজহুৱা বা ব্যক্তিগত পদক্ষেপত কৰবাত বিভিন্ন বঁটাও আয়োজন কৰা হৈছে।
একেদৰে, অষ্ট্ৰেলিয়াৰ চৰকাৰেও গ্ৰহণ কৰিছে এই পদক্ষেপ । এক প্ৰতিবেদনত দাবী কৰা হৈছে যে চৰকাৰে দেশবাসীক ক’ভিড প্ৰতিষেধক ল’বলৈ উৎসাহিত কৰিবলৈ কোটি টকাৰ পুৰস্কাৰ ঘোষণা কৰিছিল।
তাত ‘দ্য মিলিয়ন ডলাৰ ভেক্স এলায়েন্স’ নামৰ এটা লটাৰী প্ৰতিযোগিতাৰ আয়োজন কৰা হৈছিল। প্ৰতিবেদন অনুসৰি, টিকাকৰণ কৰাৰ পাছত ৩০ লাখ লোকে লটাৰী খেলত অংশগ্ৰহণ কৰিছিল। জন ঝু নামৰ এগৰাকী মহিলাইও ইয়াত অংশগ্ৰহণ কৰিছিল।
জোনে জনাইছে , ভেকছিন গ্ৰহণ কৰি তেওঁ ঘৰলৈ উভতি গৈছিল। খেলত অংশগ্ৰহণ কৰিছিল ঠিকেই কিন্তু তেওঁ ইমান চিন্তা কৰি থকা নাছিল।
টিকাকৰণ কৰা ঠিক পাছদিনা তেওঁলৈ ফোন যায় । জোনক কোৱা হয়, আপুনি কোটি টকা জিকিছে। জোনে কয়, “প্ৰথমে নিজৰ কাণক বিশ্বাস কৰা নাছিলোঁ । কিন্তু মই এটাৰ পাছত এটা সংবাদ মাধ্যমৰ পৰা ফোন পোৱা আৰম্ভ কৰি আচৰিত হৈছিলো। “
জোনে ১০লাখ আমেৰিকান ডলাৰ (ভাৰতীয় মুদ্ৰাত সাত কোটি ৪০ লাখ টকা) লাভ কৰিছে। তেওঁ জনাইছে,এই ধনেৰে তেওঁৰ পৰিয়ালৰ বাবে উপহাৰ ক্ৰয় কৰিব আৰু ভৱিষ্যতৰ বাবে সঞ্চয় কৰিব। তেওঁ লগতে কয় যে যদি সীমান্ত মুকলি কৰা হয়, তেন্তে তেওঁ চীনৰ নৱবৰ্ষৰ বাবে তালৈ যাব।