ৰাজ্যৰ অন্যান্য প্ৰান্তৰৰ লগতে বৰপেটা জিলাৰ মন্দিয়া সংহত শিশু উন্নয়ন প্ৰকল্পৰ উদোগত জৱাহৰলাল নেহৰুৰ জন্ম দিৱসৰ লগত সংগতি ৰাখি ২৬০ নং ৰূপাকুছি-মহম্মদপুৰ অঙ্গনৱাড়ী কেন্দ্ৰত শিশু দিৱস উদযাপন কৰা হয়।
মন্দিয়া সংহত শিশু প্ৰকল্প বিষয়া গীতাঞ্জলি তালুদাৰে দ্বাৰ উন্মোচন, পতকা উত্তোলন আৰু জৱাহৰলাল নেহৰুৰ প্ৰতিছবিত মাল্য অৰ্পণ কৰে।
মন্দিয়াৰ কাদং গাওঁপঞ্চায়ত আৰু গোবিন্দপুৰ গাঁওপঞ্চায়তৰ অঙ্গনৱাড়ী কৰ্মী-সহায়িকা সকলে উদযাপন কৰা শিশু দিৱস উপলক্ষে অঙ্গনৱাড়ী কেন্দ্ৰৰ শিশু সকলৰ মাজত খেল-ধেমালি, নাচ গান আৰু বিভিন্ন ধৰণৰ প্ৰতিযোগিতাৰ আয়োজন কৰে।
উল্লেখ্য যে, অঙ্গনৱাড়ী কৰ্মী-সহায়িকা সকলে পদযাত্ৰা উলিয়াই ৰাইজক সজাগ কৰিবলৈ নানা ধৰণৰ শ্লোগান দিয়া দেখা যায়। পদযাত্ৰাৰ অন্তত মুকলি সভা অনুষ্ঠিত কৰি বিজয়ী প্ৰতিযোগীক পুৰস্কৃত কৰা হয়।