লাও মূলত গৰম কালৰ পাচলি। লাও খালে পেট ঠাণ্ডা কৰি ৰাখে। শীতকালীন বজাৰতো উপলব্ধ লাও। শীতকালত লাও খোৱাটো উচিত নে? নেকি? কি হয় শীতকালত লাও খালে ?
গ্ৰীষ্মকালত লাও খালে শৰীৰৰ বাবে বিভিন্ন ধৰণৰ উপকাৰ হয় । কিন্তু শীতকালতো সেইয়া কম নহয়। কি হয় শীতকালত লাও খালে চাওক চোন
★শীতকালত বহুলোকৰ পেটৰ বিভিন্ন সমস্যা হয়। কোষ্ঠকাঠিন্য, বুকুজ্বলাৰ সমস্যাৰ বাবে লাও খুব ভাল । নিয়মীয়াকৈ লাও খালে পেটৰ এই সমস্যা হ্ৰাস কৰে।
★তেজত কলেষ্টেৰলৰ স্তৰ হ্ৰাস কৰাতো লাও কাৰ্যকৰী। কলেষ্টেৰলৰ সমস্যাত ভুগি থকা সকলে শীতকালত লাও খাব পাৰে।
★ ডায়েবেটিচত ভুগি থকা সকলে খাদ্যৰ তালিকাত লাও ৰাখিব পাৰে।
★শীতকালত ব্যায়াম কৰাৰ ইচ্ছা হ্ৰাস হয় যাৰ বাবে এই সময়ত বহুতো মানুহৰ ওজন বৃদ্ধি হয়। লাওঁৱে ওজন হ্ৰাস কৰাত সহায় কৰে। শীতকালত নিয়মীয়াকৈ খাদ্যৰ তালিকাত লাও ৰাখিলে ওজন নিয়ন্ত্ৰণত থাকে।