ফল হৈছে ভিটামিন, খনিজ আৰু অন্যান্য আহাৰত থকা ফাইবাৰৰ লগতে একাধিক পুষ্টিৰ এক মুখ্য উৎস। ইয়াৰ দৈনিক ব্যৱহাৰে আমাক এন্টিঅক্সিডেন্ট, ফ্লেভোনইডৰ দৰে বিভিন্ন ধৰণৰ স্বাস্থ্য উপাদান প্ৰদান কৰিব পাৰে। সঠিক ফলৰ আহাৰে হৃদৰোগ, মধুমেহ, প্ৰদাহ আৰু কৰ্কট ৰোগকে ধৰি বহুতো ৰোগৰ আশংকা হ্ৰাস কৰিব পাৰে।
ফলৰ প্রাকৃতিক চেনী ক্ষতিকাৰক নহয় যদিও ইয়াক নিয়ন্ত্রণত গ্রহণ কৰা প্রয়োজন ৷ কিছুমান এনে ফল আছে যিবোৰ ডায়েবেটিচ ৰোগী বা ওজন বৃদ্ধিৰ প্রতি সচেতন লোকসকলে সীমিত পৰিমাণে গ্ৰহণ কৰিব লাগে কিয়নো সেইবোৰত শর্কৰা পৰিমান বেছি। সেইসমূহ কি জানানে ?
আম
আম হৈছে পুষ্টি, আঁহ, এণ্টিঅক্সিডেণ্ট আৰু খনিজ পদাৰ্থৰে সমৃদ্ধ, সঠিক ধৰণে গ্ৰহণ কৰিলে ওজন বৃদ্ধি নহয়। কিন্তু যদি আপুনি কম কেলৰিযুক্ত ফল গ্ৰহণ কৰিবলৈ বিচাৰে, তেনেহ’লে আম খোৱা পৰিহাৰ কৰিব কিয়নো আমত ৪৫গ্ৰাম চেনী থাকে ।
আঙুৰ
আঙুৰ মুখ্যত: বিভিন্ন ৰঙত পোৱা যায়। এগিলাচ আঙুৰত প্ৰায় ২৩ গ্ৰাম চেনী থাকে। ডায়েবেটিচ ৰোগীয়ে আঙুৰ খালে টুকুৰা কৰি কাটি খাব পাৰে, তেনে কৰিলে শর্কৰাৰ পৰিমাণ হ্ৰাস যায়।
চেৰী
চেৰীৰ এণ্টিঅক্সিডেণ্ট আৰু এণ্টি-ইনফ্লেমেটৰী যৌগত বহুতো স্বাস্থ্য উপকাৰিতা আছে। যদি চেৰী বেছিকৈ খোৱা হয়, তেন্তে আপোনাৰ শৰীৰত ৪৬ গ্ৰাম চেনী গৈ আছে, যি দেহৰ বাবে ক্ষতিকাৰক। সেয়ে এই ফল কম পৰিমাণত সেৱন কৰিলে ভাল।
তৰমুজ
তৰমুজত পানীৰ পৰিমাণ যথেষ্ট বেছি। ইয়াত ইলেক্ট্ৰলাইট নামৰ বিশেষ খনিজ পদাৰ্থ পোৱা যায়। ডায়েবেটিচ ৰোগী থকা লোকসকলে তৰমুজ সুৰক্ষিত ভাৱে খাব পাৰে, কিন্তু ই কম পৰিমাণত হ’ব লাগিব। স্বাস্থ্য বিশেষজ্ঞই স্বাস্থ্যকৰ চৰ্বি,ফাইবাৰ আৰু প্ৰ’টিন সমৃদ্ধ খাদ্যৰ স’তে তৰমুজ খোৱাৰ পৰামৰ্শ দিয়ে।
কল
কল হৈছে ফলৰ ভিতৰত এক অন্যতম, এটা মজলীয়া আকাৰৰ কলত ১৪ গ্ৰাম শর্কৰা থাকে। কল হৈছে এক সুৰক্ষিত আৰু পুষ্টিকৰ ফল যাক ডায়েবেটিচ ৰোগী আৰু ওজন হ্ৰাস কৰিব বিচৰা সকলে সঠিক পৰিমাণত খাব পাৰে।
আভাকাডো
এটা আভাকাডোত মাত্ৰ ১.৩৩ গ্ৰাম শৰ্কৰা থাকে। আমি ইয়াক চালাডত ৰাখিব পাৰোঁ, ইয়াক টোষ্টত প্ৰয়োগ কৰিব পাৰোঁ, বা ইয়াক স্মুদি হিচাপে ব্যৱহাৰ কৰিব পাৰোঁ। অৱশ্যে, আভাকাডোত শর্কৰা কম কিন্তু কেলৰি অধিক। আভাকাডো সেই ফলবোৰৰ ভিতৰত অন্যতম য’ত শর্কৰা নাথাকে।
