ৰাজস্থানৰ জয়পুৰত ন জনৰ শৰীৰত অ’মিক্রনৰ সন্ধান পোৱা গৈছে । আক্রান্তসকল সকলোৱে উপসর্গহীন । এই কথা জনাইছে ৰাজ্যিক স্বাস্থ্য বিভাগে ।
মুখ্য স্বাস্থ্য বিষয়া চিকিৎসক নৰোত্তম শর্মাই সংবাদ মাধ্যমৰ আগত সদৰী কৰি কয়, “অ’মিক্রনৰ সন্ধান পোৱা ন জন লোকৰ শৰীৰত, ক’ভিডৰ কোনো উপসর্গ নাই । আমি বিষয়টো অতি গুৰুত্বসহকাৰে লৈছো । কনটেক্ট ট্রেচিঙো কথা হৈছে ।”
দেওবাৰে দক্ষিণ আফ্রিকাৰ পৰা ৩৪ জন জয়পুৰত উভতিছিল । প্রত্যেকৰে নমুনা সংগ্রহ কৰি জিনম ছিকোৱেন্সিং-ৰ বাবে পঠোৱা হয় । তেওঁলোকৰ ভিতৰত ন জনৰ ৰিপ’র্ট পজিটিভ আহিছে । ইয়াৰ উপৰি দেখা গৈছে, তেওঁলোক সকলোৱে ক’ভিডৰ অ’মিক্রন ৰূপত আক্রান্ত । বাকী ২৫ জনৰ ৰিপ’র্ট নেগেটিভ আহিছে ।
অ’মিক্রনত মৃদু উপসর্গ ধৰা পৰিছে । কিন্তু এইবাৰ উপসর্গহীন অ’মিক্রন আক্রান্তৰ সন্ধান পোৱাত উদ্বেগ বৃদ্ধি হৈছে ।
দেশত প্রথম অ’মিক্রন আক্রান্তৰ সন্ধান পোৱা গৈছিল কর্ণাটকত । তাত দুজন লোকৰ শৰীৰত সংক্রমণ ধৰা পৰে । তেওঁলোকৰ ভিতৰত এজন দক্ষিণ আফ্রিকাৰ ৰাজ্যখনত উভতিছিল । পাছত তেওঁ দেশ ত্যাগ কৰি ডুবাইলৈ যায় । দ্বিতীয়জন স্বাস্থ্যকর্মী । কিন্তু তেওঁ বিদেশ ভ্ৰমণ কৰা নাই । তেওঁ কেনেদৰে আক্রান্ত হ’ল, সেয়া পৰ্যবেক্ষণ কৰিছে বিশেষজ্ঞসকলে । গুজৰাতৰ জামনগৰত আৰু এজনৰ শৰীৰত অ’মিক্রনৰ উপস্থিতি পোৱা যায় । পাছত মুম্বাইত এক মেৰিন অভিযন্তাৰ শৰীৰত এই ভাইৰাছৰ সন্ধান পোৱা যায় । তাৰ পাছত পুনৰ ধৰা পৰে দিল্লীতো । আক্রান্ত লোকজন তানজানিয়াৰ পৰা দিল্লীলৈ উভতিছিল ।
ক’ভিডৰ এই নতুন ৰূপক লৈ ইতিমধ্যে বিশ্বজুৰি উদ্বেগৰ সৃষ্টি হৈছে । ভাৰতসহ একাধিক দেশে আন্তর্জাতিক বিমানত অহা যাত্রীসকলৰ ক্ষেত্রত বিধিনিষেধ জাৰি কৰিছে । মার্কিন যুক্তৰাষ্ট্র, ব্রিটেইনসহ বহু দেশে সীমান্ত বন্ধ কৰা আৰম্ভ কৰিছে ।
