চিকিৎসালয়ত ভৰ্তি আৰু মৃত্যু , দুয়োটাই বৃদ্ধি পাইছে এতিয়া ইউৰোপত । আগন্তুক কেইসপ্তাহৰ ভিতৰত ইয়াৰ সংখ্যা আৰু বৃদ্ধি পাব বুলি সতৰ্কবাণী দিলে ইউৰোপীয় ৰোগ প্ৰতিৰোধ আৰু নিয়ন্ত্ৰণ কেন্দ্ৰ (ইচিডিচি)য়ে ।
একেই পৰিস্থিতি দক্ষিণ আফ্ৰিকাৰ ক্ষেত্ৰতো । আগৰ দিনৰ তুলনাত প্ৰতিদিনে দুগুণ ৰোগী কৰ’নাত আক্ৰান্ত হৈ চিকিৎসালয়ত ভৰ্তি হৈছে ।
দক্ষিণ আফ্ৰিকাত সংক্ৰমিত হৈছে মূলত অ’মিক্ৰন ষ্ট্ৰেইনত । ইউৰোপত এতিয়াও ডেল্টাই প্ৰভাৱ বিস্তাৰ কৰি আছে।
ইচিডিচিৰ সঞ্চালক এণ্ড্ৰিয়া আমনে জনাইছে, সংক্ৰমণ প্ৰতিৰোধ কৰিবলৈ চৰকাৰে কে’বাটাও পদক্ষেপ গ্ৰহণ কৰিছে । উদাহৰণ স্বৰূপে, যিসকলক টিকাকৰণ কৰা হোৱা নাই, তেওঁলোকৰ বাবে তলাবন্ধ জাৰি, ৰেষ্টুৰেণ্ট, বাৰ দ্ৰুতগতিত বন্ধ কৰা, ঘৰৰ পৰা কাৰ্যালয়ৰ কাম বৃদ্ধি কৰা । ব্ৰাচেলছত বিভিন্ন ইউৰোপীয় দেশৰ স্বাস্থ্য মন্ত্ৰীসকলৰ স’তে এক বৈঠকত এণ্ড্ৰিয়াই কয়, “আগন্তুক কেইসপ্তাহৰ ভিতৰত সংক্ৰমণ, চিকিৎসালয়ত ভৰ্তিৰ হাৰ, আই.চি ইউ আৰু মৃত্যুৰ হাৰ বৃদ্ধি পাব ।” ৰাষ্ট্ৰসংঘৰ মহাসচিব এণ্টনিঅ’ গুটেৰেছে ক’ভিড সংক্ৰমণৰ সংস্পৰ্শলৈ অহাৰ বাবে কোৱাৰেণ্টাইনত আছে ।
এই পৰ্যন্ত, ইউৰোপৰ ১৯ খন দেশত মুঠ ২৭৪ টা অ’মিইক্ৰন সংক্ৰমণ ধৰা পৰিছে । ইচিডিচিয়ে কয় যে অ’মিইক্ৰনৰ পৰা গুৰুতৰ ৰোগ বা মৃত্যুৰ তথ্য এতিয়াও পোৱা হোৱা নাই । ইউৰোপে দ্ৰুত টিকাকৰণত গুৰুত্ব দিছে । কিন্তু সেই গতিও যথেষ্ট ধীৰ । ইউৰোপীয় স্বাস্থ্য আয়ুক্ত ষ্টেলা কিৰিয়াকুইডে কৈছিল যে মহাদেশৰ কমেও ছয়খন দেশত টিকাকৰণৰ হাৰ ৫৫ শতাংশৰ তলত আছে ।
ইউৰোপত আটাইতকৈ বেয়া হৈছে অষ্ট্ৰিয়া, জাৰ্মানী, পোলেণ্ড, ৰোমানিয়া । অষ্ট্ৰেলিয়াই পুনৰ তলাবন্ধ আৰম্ভ কৰিছে । আজি, এই দেশৰ চৰকাৰে কয় যে সপ্তাহান্তত তলাবন্ধ উঠাই লোৱা হ’ব । অৱশ্যে, এই স্বাধীনতা কেৱল তেওঁলোকৰ বাবেহে থাকিব যিসকলক টিকাকৰণ হৈছে ।
যিসকলক টিকাকৰণ হোৱা নাই তেওঁলোক ‘গৃহবন্দী’ হৈ থাকিব লাগিব । পোলেণ্ডত অনলাইন বিদ্যালয়সমূহ পুনৰ মুকলি কৰা হৈছে । স্বাস্থ্যকৰ্মী আৰু শিক্ষা কৰ্মীসকলৰ টিকাকৰণ চৰকাৰে বাধ্যতামূলক বুলি ঘোষণা কৰিছে ।
দক্ষিণ আফ্ৰিকাৰ পৰিস্থিতি ক্ৰমান্বয়ে জটিল হৈ পৰিছে । দেশৰ ৰাষ্ট্ৰীয় সংক্ৰামক ৰোগ প্ৰতিষ্ঠানটোৱে কৈছিল যে যোৱা ২৪ ঘণ্টাত ৩৮৩ জন লোকক চিকিৎসালয়ত ভৰ্তি কৰোৱা হৈছে ।
আগদিনা, এই সংখ্যা আছিল ১৭৫ । কেইমাহমান আগতে, দক্ষিণ আফ্ৰিকাত সংক্ৰমণ অতি কম আছিল, আৰু দিনক দিনে সংখ্যা দুগুণ হোৱাৰ বাবে আতংক বৃদ্ধি হৈছে । সংক্ৰমিত প্ৰায় সকলোবোৰ অ’মিক্ৰন-সংক্ৰমিত।
এই দেশত মূলত ফাইজাৰ ভেকচিন দিয়া হৈছে । দক্ষিণ আফ্ৰিকাৰ ডাৰ্বানৰ আফ্ৰিকা স্বাস্থ্য গৱেষণা প্ৰতিষ্ঠানৰ গৱেষকসকলে দাবী কৰিছে যে ফাইজাৰ ভেকচিন অ’মিক্ৰন ষ্ট্ৰেনৰ ক্ষেত্ৰত যথেষ্ট কম কাৰ্যকৰী ।
এই সন্দৰ্ভত, টিকাকৰণ কোম্পানীয়ে দাবী কৰে যে দুয়োটা পালিৰ ফলত কাম হ্ৰাস হৈছে, কিন্তু কাৰ্যকৰীতা হ্ৰাস হোৱা নাই । তিনিটা পালি গ্ৰহণ কৰিলে সংক্ৰমণ ৰোধ হ’ব ।