মুম্বাইত ফোনত কথা পাতি যানবাহন চলালে ভৰিব লাগিব ১০ হেজাৰৰ জৰিমনা

মুম্বাইত এতিয়াৰে পৰা যানবাহন আইন ভংগ কৰিলে বৃহৎ পৰিমাণৰ জৰিমনা ভৰিব লাগিব । কোনো ব্যক্তিয়ে বাহন চলোৱাৰ সময়ত ম’বাইলত বাৰ্তালাপ কৰি ধৰা পৰিলে পূৰ্বৰ দুশ টকাৰ জৰিমনা ভৰিব লাগিব । দ্বিতীয়বাৰ একে ঘটনা সংঘটিত কৰিলে উক্ত ব্যক্তিক ১০ হেজাৰ টকালৈকে জৰিমনা বিহা হ’ব ।

আনহাতে, অনাধিকৃত বাহন পাৰ্কিঙৰ ক্ষেত্ৰত পাঁচ হেজাৰ টকা, অনুজ্ঞাপত্ৰ নবীকৰণ নকৰালে পাঁচ হেজাৰ টকা, দ্ৰুতগতিত বাহন চলালে চাৰি হেজাৰ টকা, অনাহকত হৰ্ণ বজালে ৫০০-১৫০০ টকা আৰু বীমা অবিহনে বাহন চলালে ২০০০-৪০০০ টকালৈকে জৰিমনা ভৰিব লাগিব । হেলমেট অবিহনে দুচকীয়া বাহন চলালে প্ৰথমবাৰ ৫০০ টকা আৰু দ্বিতীয়বাৰ ১৫০০ টকাৰ জৰিমনা ভৰিব লাগিব ।