অৰুণাচল প্রদেশৰ ছিয়াং জিলাৰ এখন গাঁৱৰ পৰা ১৭ বছৰৰ এজন যুৱকক অপহৰণৰ অভিযোগ উত্থাপন হৈছে চীনা সেনাৰ বিৰুদ্ধে । এই অভিযোগ কৰিছে অৰুণাচলৰ বিজেপি সাংসদ তাপিৰ গাৱ’ৱে ।
মিৰাম তাৰুন নামে যুৱজনক মঙলবাৰে অপহৰণ কৰা হৈছে বুলি তেওঁ জনাইছে । এই খবৰ জনায় তেওঁ এটা টুইট কৰিছে । সংবাদ মাধ্যমক সাংসদগৰাকীয়ে জনাইছে, মিৰামক চীনৰ পিপলছ লিবাৰেছন আর্মিয়ে (পিএলএ) অপহৰণ কৰিছে, কিন্তু তেওঁৰ এজন বন্ধু পলায়ন কৰিবলৈ সক্ষম হয় ।
তাপিৰৰ অভিযোগ, জিৰ’ৰ এই দুই স্থানীয় চিকাৰীক অৰুণাচল প্রদেশৰ ছাংপো নদীৰ উপকূলৰ পৰা আটক কৰিছে চীনৰ সেনাই ।
1/2
Chinese #PLA has abducted Sh Miram Taron, 17 years of Zido vill. yesterday 18th Jan 2022 from inside Indian territory, Lungta Jor area (China built 3-4 kms road inside India in 2018) under Siyungla area (Bishing village) of Upper Siang dist, Arunachal Pradesh. pic.twitter.com/ecKzGfgjB7— Tapir Gao (Modi Ka Parivar) (@TapirGao) January 19, 2022
সাংসদগৰাকীয়ে তেওঁৰ টুইটত দুই যুৱকৰ ছবি দি এই ঘটনাৰ বিস্তাৰিত বিৱৰণ দিছে । তেওঁ ভাৰত চৰকাৰক এই যুৱকৰ দ্রুত মুক্তিৰ আবেদনো জনাইছে । সাংসদ তাপিৰ গাৱ’ৱে জনায়, বিষয়টো তেওঁ গৃহ প্রতিমন্ত্রী নিশীথ প্রামাণিকক জনাইছে । যাতে দ্রুত যুৱকজনৰ মুক্তিৰ ব্যৱস্থা কৰিব পাৰে, তাৰ বাবে আবেদনো কৰিছে ।
ঘটনা সন্দৰ্ভত কংগ্রেছ নেতা ৰাহুল গাঁধীয়েও টুইট কৰিছে । প্রধানমন্ত্রী নৰেন্দ্র মোদীক কটাক্ষ কৰি তেওঁ লিখিছে, ‘গণৰাজ্য দিৱসৰ মাত্র কিছুদিন পূৰ্বে এজন যুৱকক অপহৰণ কৰিলে চীনে । ভাৰতৰ ভৱিষ্যৎ মিৰাম তাৰোনৰ লগত আছো । আমি আশা এৰা নাই ।’ লগতে কয়, ‘প্রধানমন্ত্রী নীৰৱ । তেওঁ এইসমূহ বিষয়ক গুৰুত্ব নিদিয়ে ।’
गणतंत्र दिवस से कुछ दिन पहले भारत के एक भाग्य विधाता का चीन ने अपहरण किया है- हम मीराम तारौन के परिवार के साथ हैं और उम्मीद नहीं छोड़ेंगे, हार नहीं मानेंगे।
PM की बुज़दिल चुप्पी ही उनका बयान है- उन्हें फ़र्क़ नहीं पड़ता!
— Rahul Gandhi (@RahulGandhi) January 20, 2022