ভাৰতী বায়োটেকৰ (Bharat Biotech) তৈয়াৰী intranasal vaccine কৰ’নাৰ ভেকচিনৰ বুষ্টাৰ ডোজ হিচাপে ব্যৱহাৰৰ পৰীক্ষণত অনুমতি দিলে ড্ৰাগ কনট্ৰোলাৰ জেনাৰেল অফ ইণ্ডিয়া ।দেশৰ ন টা স্থানত বুষ্টাৰ ডোজ হিচাপে এই ইণ্ট্ৰানেজাল ভেকচিনৰ ব্যৱহাৰ পৰীক্ষণ হ’ব ।
বিগত ডিচেম্বৰৰ মাজ ভাগত, ভাৰত বায়োটেকৰ তৰফৰ পৰা ক্লিনিকেল পৰীক্ষণ কৰাৰ অনুমতি বিচাৰিছিল। পাঁচ জানুৱাৰীত, ডিচিজিআইৰ বিশেষজ্ঞ সমিতিয়ে ভাৰত বায়োটেকৰ ইনট্ৰেনাজাল ভেকছিনৰ তৃতীয় পৰ্যায়ৰ পৰীক্ষণত অনুমতি দিয়ে।
এই ভেকছিনটো বুষ্টাৰ হিচাপে ব্যৱহাৰ কৰিব পাৰিনে নাই সেই চিন্তা চর্চাও তেতিয়াৰ পৰাই আৰম্ভ হৈছে। এয়া তথ্য অনুসৰি পাঁচ হেজাৰ সুস্থ লোকৰ ওপৰত পৰীক্ষণ কৰা হ’ব।ইয়াৰ ভিতৰত, আধাই ক’ভাক্সিনৰ সম্পূৰ্ণ পালি গ্ৰহণ কৰিছে আৰু আধাই ক’ভিশ্বিল্ড ভেকছিনৰ সম্পূৰ্ণ পালি গ্ৰহণ কৰিছে।
ভাৰত বায়োটেকে কেন্দ্ৰক কয় যে যিসকলক সম্পূৰ্ণৰূপে টিকাকৰণ কৰা হৈছে তেওঁলোকে ভাল ফলাফল পাব পাৰে যদি তেওঁলোকক নজেল ভেকছিনৰ বুষ্টাৰ পালি হিচাপে দিয়া হয়।
ডিজিচিআইয়ে শুক্ৰবাৰে পৰীক্ষণৰ প্ৰস্তাৱটোত অনুমতি দিয়ে ।শীঘ্ৰেই পৰীক্ষণ আৰম্ভ হ’ব। কেন্দ্ৰই মাৰ্চৰ পৰা বুষ্টাৰ পালি আৰম্ভ কৰিবলৈ অনুমতি দিয়াৰ সম্ভাৱনা আছে। অৱশ্যে, সেয়া পৰীক্ষণৰ সফলতাৰ ওপৰত নিৰ্ভৰ কৰে।
প্ৰসংগত, দেশখনত ইতিমধ্যে ১৫ ৰ পৰা ১৮ বছৰীয়া শিশুৰ টিকাকৰণ আৰম্ভ হৈছে। ইয়াৰ উপৰিও, সহ-ৰোগথকা জ্যেষ্ঠ নাগৰিকসকলক বুষ্টাৰ পালি প্ৰদান কৰা হৈছে। দেশৰ ১৬৪ কোটিৰো অধিক লোকে ইতিমধ্যে ভেকছিন গ্ৰহণ কৰিছে।
প্ৰায় এক কোটিৰ লোকে বুষ্টাৰ পালি লাভ কৰিছে। এতিয়া যদি ন’জেল ভেকছিনটো বুষ্টাৰ পালি হিচাপে অনুমতি কৰা হয়, টিকাকৰণৰ গতি আৰু বৃদ্ধি হ’ব। আৰু ইয়াৰ ওপৰত নিৰ্ভৰ কৰি, স্বাভাৱিক জীৱনলৈ ঘূৰি আহিব পাৰিব সাধাৰণলোক।