২১ ফেব্রুৱাৰীৰ পৰা কৰ’নাৰ ভেকচিনৰ (COVID-19 Vaccine) ডাবল ড’জ চার্টিফিকেট অবিহনেই প্রৱেশ কৰিব পাৰিব পুৰীৰ জগন্নাথ মন্দিৰত (Puri Jagannath Temple) । এটা বৈঠকত এই সিদ্ধান্ত গ্ৰহণ কৰা হয় । শ্রী জগন্নাথ মন্দিৰ কর্তৃপক্ষৰ (Shree Jagannath Temple Administration) প্রধান কৃষাণ কুমাৰে জনাইছে, ওড়িছাত (Odisha) কৰ’না আক্রান্তৰ সংখ্যা কমি যোৱাৰ পৰিপ্রেক্ষিততেই এই সিদ্ধান্ত গ্ৰহণ কৰা হয় । তদুপৰি দেশৰ অধিকাংশ নাগৰিকেই কৰ’না ভেকচিনৰ ডাবল ড’জ লৈছে । সেয়ে এই সিদ্ধান্ত গ্ৰহণ কৰা হৈছে, আগন্তুক সপ্তাহৰ পৰা মন্দিৰত প্রৱেশ কৰিবৰ বাবে কৰ’না ভেকচিনৰ ডাবল ড’জ চার্টিফিকেট দেখাব লাগিব ।
ওড়িছা ৰাজ্য প্রশাসনে অৱশ্যে যোগ্য সকলোকে ডাবল ড’জ ভেকচিন লৈহে পুৰীৰ মন্দিৰত যোৱাৰ পৰামর্শ দিছে । ইয়াৰ উপৰি মাস্ক পৰিধান কৰি থকা, হেণ্ড ছেনিটাইজাৰ ব্যৱহাৰ বাধ্যতামূলক বুলি জনাইছে ওড়িছা প্রশাসনে । মন্দিৰ চৌহদ ছেনিটাইজ কৰিবৰ বাবে প্রতি দেওবাৰে বন্ধ থাকিব ।
শনিবাৰে ৰাষ্ট্রপতি ৰামনাথ কোবিন্দৰ পুৰী যোৱাৰ সম্ভাৱনা আছে । সেয়ে শনিবাৰে সন্ধিয়া চাৰি বজাৰ পৰা সন্ধিয়া ছয় বজা পর্যন্ত মন্দিৰ বন্ধ থাকিব বুলি জনোৱা হৈছে ।
পুৰীৰ জগন্নাথ মন্দিৰৰ উপৰিও গৌড়ীয় মঠত যাব ৰাষ্ট্রপতি । ২০ ফেব্রুৱাৰীত গৌড়ীয় মঠ আৰু মিছনৰ প্রতিষ্ঠাতা ভক্তিসিদ্ধান্ত সৰস্বতী গোস্বামীৰ জন্ম বাৰ্ষিকী । তেওঁৰ জন্মভেটিত গৈ শ্রদ্ধা জনাব ৰাষ্ট্রপতিগৰাকীয়ে । ভক্তিসিদ্ধান্ত সৰস্বতী গোস্বামীৰ জন্ম বাৰ্ষিকী উপলক্ষে তিনি বছৰ ধৰি উৎসৱ পালন কৰা হ’ব ।
১৯ ফেব্রুৱাৰীত পুৰীত নগৰকীর্তনেৰে আৰম্ভ হ’ব উৎসৱ । পাছ দিনাখন পুৰীত বিশেষ অনুষ্ঠানল উদ্বোধন কৰিব ৰাষ্ট্রপতিয়ে । গৌড়ীয় মঠ আৰু মিছনৰ প্রতিষ্ঠাতাৰ জন্মভেটিত গৈ শ্রদ্ধা জনাব ৰাষ্ট্রপতিয়ে । সেই দিনটোতে ভক্তিসিদ্ধান্ত সৰস্বতী গোস্বামীৰ জন্ম বাৰ্ষিকী উপলক্ষে গ্ৰন্থ প্রকাশ কৰা হ’ব । ভক্তিসিদ্ধান্ত সৰস্বতী গোস্বামীৰ নামে পথৰ নাম, আদর্শ গাঁও তৈয়াৰ কৰাৰ পৰিকল্পনা কৰিছে গৌড়ীয় মঠ আৰু মিছনে । তিনি বছৰ ধৰি দেশ আৰু বিশ্বৰ নানা দেশত জন্ম বাৰ্ষিকী উৎসৱ উদযাপন কৰা হ’ব । কলকাতাত হ’ব সমাপ্তি অনুষ্ঠান ।
গৌড়ীয় মঠ আৰু মিছনৰ সভাপতি ভক্তিসুন্দল সন্ন্যাসী মহাৰাজে জনাইছে, ‘ৰাষ্ট্রপতিয়ে প্রভুপাদেৰ জন্মভেটিত ১০ মিনিট সময় থাকিব । তেওঁ গুণ্ডিচা মন্দিৰতো যাব ।’