আজি কোকৰাঝাৰ জিলাৰ চিথিলা ঘোপৰ গোংগেয়া নদীত বন বিভাগে অভিযান চলাই গছৰ কুণ্ডা জব্দ কৰে । সূত্ৰ অনুসৰি, গাঁৱৰ কেইজনমান লোকে গোংগেয়া নদীত মাছ ধৰিবলৈ যাওঁতে উক্ত গছৰ কুণ্ডাকেইটা প্ৰত্যক্ষ কৰে । গছৰ কুণ্ডাবোৰ পোকে ধৰি নষ্ট হৈ যোৱা পৰিলক্ষিত হয় । ৰাইজে গছৰ কুণ্ডাবোৰ নষ্ট হৈ যোৱাত খৰি বনাবলৈ বাবে ঘৰলৈ লৈ যাবলৈ যো-জা কৰোতে বন বিভাগে উক্ত স্থানত উপস্থিত হৈ গছৰ কুণ্ডাকেইটা জব্দ কৰি কচুগাঁও বন বিভাগৰ কাৰ্যালয়লৈ প্ৰেৰণ কৰে ।
ইপিনে, বন বিভাগৰ বিষয়া চি এম ব্ৰহ্মক প্ৰশ্ন সোধাত তেওঁ কচুগাঁৱৰ ডি এফ অ’য়ে কাঠকেইটা লৈ যাবলৈ অনুমতি দিয়ে বুলি জানিবলৈ দিয়ে । তৎক্ষণাৎ কচুগাঁৱৰ ডি এফ অ’ জনক ফোন কৰাত ডি এফ অ’ জনে ঘটনা সন্দৰ্ভত অৱগত নহয় বুলি জানিবলৈ দিয়ে । বন বিভাগৰ বিষয়াই ধন নোপোৱাৰ বাবে উক্ত গছৰ কুণ্ডাকেইটা লৈ যায় বুলি গুৰুতৰ অভিযোগ উত্থাপন কৰিছে ৰাইজে ।