ইন্ধনৰ মূল্যবৃদ্ধিৰ প্রতিবাদত পথত নামিব কংগ্ৰেছ

কৰ’না অতিমাৰীৰ বিৰুদ্ধে যুঁজত দেশবাসীৰ আত্মবিশ্বাস বৃদ্ধি কৰিবৰ বাবে আৰু একত্রিত কৰাৰ লক্ষ্যত কাঁহি বজোৱাৰ উপায় দিছিল প্রধানমন্ত্রী নৰেন্দ্র মোদিয়ে (Narendra Modi) । প্ৰধানমন্ত্ৰী মোদীৰ সেই উপায়ক লৈ কংগ্রেছে কম মস্কৰা কৰা নাছিল । কিন্তু এইবাৰ কংগ্রেছে মূল্যবৃদ্ধিৰ প্রতিবাদ কৰিবলৈ মোদীৰ কাঁহি বজোৱা পন্থা গ্ৰহণ কৰিব । ইন্ধনৰ মূল্যবৃদ্ধিৰ প্রতিবাদত চলিত মাহৰ শেষৰফালে গণআন্দোলনৰ পন্থা লৈছে কংগ্রেছে । তাৰেই অংশ হিচাপে অহা ৩১ মার্চত অভিনৱ কাৰ্যসূচী লৈছে দেশৰ সর্ববৃহৎ বিৰোধী দলে ।

শনিবাৰে কংগ্রেছৰ (Congress) সাধাৰণ সম্পাদকসকলৰ বৈঠকত ইন্ধনৰ মূল্যবৃদ্ধিক লৈ দেশজুৰি আন্দোলনৰ পন্থে লৈছে দলৰ শীর্ষ নেতৃত্ব‌ই । পেট্রল-ডিজেলৰ মূল্যবৃদ্ধিৰ প্রতিবাদত চলিত মাহৰ শেষৰ পৰা গণআন্দোলন গঢ়ি তুলিব কংগ্ৰেছে । কাৰ্যসূচী অনুযায়ী অহা ৩১ মার্চ পুৱা ১১ বজাত দেশজুৰি কংগ্রেছৰ সদস্যসকলে নিজ গৃহৰ বাহিৰত গেছ চিলিণ্ডাৰ (LPG) ৰাখি তাত মালা দি ঘণ্টা, ড্রাম বা অন্যান্য সামগ্ৰী বজাব ।

ইয়াৰ পাছত দুই এপ্রিলৰ পৰা দেশৰ প্রতিখন জিলাত ‘মেহেংগাই মুক্ত ভাৰত’ অর্থাৎ ‘মূল্যবৃদ্ধিমুক্ত ভাৰত’ নামৰ কাৰ্যসূচী চলাব । জিলায় জিলায় কেন্দ্রীয় চৰকাৰৰ নীতিৰ বিৰুদ্ধে সমদল ওলিয়াব কংগ্রেছ কর্মচাৰীসকলে । সাত এপ্রিলত ৰাজ্যস্তৰত ধৰ্ণা প্রদর্শন আৰু সমদলৰ আয়োজন কৰা হ’ব ।

মূলতঃ, পাঁচ ৰাজ্যৰ নিৰ্বাচন সম্পন্ন হোৱাৰ পাছতেই পুনৰ বাঢ়িব লৈছে ইন্ধনৰ মূল্য । চিলিণ্ডাৰ প্রতি এলপিজিৰ দাম ইতিমধ্যে দেশৰ কোনো কোনো প্রান্তত হেজাৰ টকা হৈছে । পেট্রল-ডিজেলৰ দামো বাঢ়িছে তীব্ৰ গতিত । বিগত চাৰি দিনত তিনিবাৰ বৃদ্ধি পাইছে পেট্রোপণ্যৰ দাম । আজি পুৱাই ইয়াৰ প্রতিবাদত সৰৱ হৈছিল কংগ্রেছ সাংসদ ৰাহুল গান্ধী (Rahul Gandhi) ।

আজি তেওঁ টুইটাৰত লিখে, “জনসাধাৰণ মূল্যবৃদ্ধিত ত্রস্ত, ৰজা মহল তৈয়াৰীত ব্যস্ত ।” এই কাৰ্যসূচী ঘোষণাৰ আগতেই অৱশ্যে যুৱ কংগ্রেছ কৰ্মচাৰীসকল পথত নামিছে ।

মূলতঃ, পাঁচ ৰাজ্যৰ নির্বাচনৰ পাছত কংগ্রেছ দলত হুলস্থূল লাগিছে । শনিবাৰৰ সাধাৰণ সম্পাদক স্তৰৰ বৈঠকতো সেই বিক্ষোভৰ প্ৰভাৱ পৰিল হয় । আগন্তুক দিনৰ কর্মপন্থা ঠিৰাং কৰাৰ কথা আছিল । সম্প্ৰতি কংগ্রেছৰ শীর্ষ নেতা, নেতা-কর্মীসকলে পথত ওলাই অহাৰ পন্থা গ্ৰহণ কৰিছে ।