তুলসীবিলৰ টেংনাৰভিটাত অংগনবাড়ী গৃহৰ আধাৰশিলা স্থাপন বিধায়ক ৰবিৰাম নাৰ্জাৰীৰ

আজি কোকৰাঝাৰ জিলাৰ তুলসীবিলৰ টেংনাৰভিটাত অংগনবাড়ী কেন্দ্ৰৰ গৃহৰ আধাৰশিলা স্থাপন কৰে ২৯ নং পশ্চিম কোকৰাঝাৰ বিধানসভা সমষ্টিৰ বিধায়ক ৰবিৰাম নাৰ্জাৰীয়ে ।

উক্ত অনুষ্ঠানত উপস্থিত থাকে গোসাঁইগাঁও আই চি ডি এছৰ চি ডি পি অ’, ছুপাৰভাইজাৰসকল, কন্সট্রাকছন কমিটীৰ সম্পাদক/সদস্য, গোসাঁইগাঁও উন্নয়ন খণ্ডৰ খণ্ড উন্নয়ন বিষয়া, অভিযন্তাসকল, গাঁওবুঢাৰ লগতে ৰাইজসকল ।

উক্ত অনুষ্ঠানত উপস্থিত থাকি বিধায়ক ৰবিৰাম নাৰ্জাৰীয়ে কয় যে অসম চৰকাৰৰ নিৰ্দেশ মৰ্মে মডেল অংগনবাড়ী গৃহৰ আধাৰশিলা স্থাপন কৰা হৈছে । এই অংগনবাড়ী গৃহৰ জৰিয়তে শিশুসকলক পুষ্টিকৰ খাদ্য আৰু প্ৰাথমিক শিক্ষা প্ৰদান কৰি অসমখনক উন্নতিৰ ক্ষেত্রত আৰু এখোজ আগবঢ়াই লৈ যাব সদৰী কৰে ।

লগতে বিধায়কজনে সকলো ৰাইজকে উক্ত কামটোত সহায় সহযোগিতা কৰিবলৈ আহ্বান জনায় ।