বাঢ়িছে গৰম । অস্বস্তিও । বহুতৰেই গ্রীষ্মকাল পছন্দ নহয় । কোনোৰ আকৌ গৰম দিন পছন্দ কেৱল আমৰ বাবে । পকা আমেৰে এই গৰমত ডিঙি ভিজাওক আম লচ্চিৰে । চাওক প্রণালী :
উপকৰণ :
পকা আম : তিনিটা
টেঙা দৈ : ৩০০ গ্রাম
খোয়া খিৰ : ৫০ গ্রাম
চেনি : চাৰি চামুচ
নেমু : এটা
গোলমৰিচ গুৰি : আধা চামুচ
নিমখ : সামান্য
বৰফ : ৯-১০ টুকুৰা
মেংগ’ ছিৰাপ : আধা চামুচ
প্রণালী
পকা আমথ বাকলি গুচাই লওক । আমকেইটা সৰু সৰু টুকুৰা কৰি লওক ।
এইবাৰ মিক্সিতে দৈ, আমৰ টুকুৰা, চেনি, নিমখ, নেমুৰ ৰস, বৰফ, খোয়া খিৰ একেলগে দি ভালকৈ গুৰি কৰিলেই তৈয়াৰ হৈ যাব আম লচ্চি ।
লচ্চি কাচৰ গিলাচত ঢালি লচ্চিৰ ওপৰত গোলমৰিচ গুৰি আৰু মেংগ’ ছিৰাপ ছটিয়াই ঠাণ্ডা ঠাণ্ডা পৰিবেশন কৰক ।