Satyendar Jain : দিল্লী চৰকাৰৰ মন্ত্ৰী সত্যেন্দ্ৰ জৈন গ্ৰেপ্তাৰ

অবৈধ বিত্তীয় লেনদেনৰ অভিযোগত দিল্লীৰ স্বাস্থ্য মন্ত্ৰী আৰু আম আদমী পাৰ্টিৰ (আপ) নেতা সত্যেন্দ্ৰ জৈনক গ্ৰেপ্তাৰ কৰিলে বিধি বলব‍ৎকাৰী (ইডি)ইডিসূত্ৰই জনোৱা অনুসৰি আজি সন্ধিয়া তেওঁক গ্ৰেপ্তাৰ কৰা হয়।

চলিত বছৰৰ জানুৱাৰীত হাৱালা চক্ৰৰ জৰিয়তে অবৈধ বিত্তীয় লেনদেনৰ অভিযোগত সত্যেন্দ্ৰ ঘৰ আৰু কাৰ্যালয়ত তালাচী চলাইছিল। তেওঁৰ পত্নী ইন্দু আৰু কেইজনমান আত্মীয়ৰ নামত চাৰি কোটি ৮১ লাখ টকাৰ সম্পত্তি জব্দ কৰা হয়।

চিবিআইয়ে আগতে দুৰ্নীতি প্ৰতিৰোধ আইনৰ অধীনত সত্যেন্দ্ৰৰ বিৰুদ্ধে এখন এজাহাৰ দাখিল কৰিছিল। সেই সময়ত, অৰবিন্দ কেজৰিবাল চৰকাৰৰ স্বাস্থ্য মন্ত্ৰীয়ে অভিযোগ কৰিছিল যে কেন্দ্ৰৰ বিজেপি চৰকাৰে তেওঁক ৰাজনৈতিক প্ৰতিহিংসাৰ বাবে মিছা গোচৰত জড়িত কৰিছে।