মন্দিৰৰ কাষত থাকিব নোৱাৰিব সুৰাৰ দোকান, নির্দেশ দিলে উত্তৰ প্রদেশৰ মুখ্যমন্ত্রী যোগী আদিত্যনাথে (Yogi Adityanath) । অযোধ্যা আৰু মথুৰাৰ মন্দিৰ সংলগ্ন অঞ্চলত এই নির্দেশ জাৰি কৰা হৈছে । কালিৰ পৰাই কার্যকৰ কৰা হৈছে এই নির্দেশনা । এই অঞ্চলৰ সমস্ত সুৰাৰ দোকানৰ লাইছেন্স বাতিল কৰিছে উত্তৰ প্রদেশ চৰকাৰে । তাৰ পৰিৱৰ্তে মথুৰাত গাখীৰৰ ব্যৱসায় বৃদ্ধি কৰিবলৈ কৈছে যোগীয়ে ।
অযোধ্যাত ৰাম মন্দিৰ (Ayodhya Ram Temple) সংলগ্ন অঞ্চলত বন্ধ কৰা হৈছে সুৰাৰ ব্যৱসায় । মূলত সাধুসকলৰ দাবীতেই এই সিদ্ধান্ত লোৱা হৈছে বুলি জানিব পৰা গৈছে । টে’বাদিনো ধৰি মন্দিৰ অঞ্চলত মাংস বিক্রী বন্ধ কৰিবলৈ অনুৰোধ জনাইছিল সাধুসকলৰ একাংশই । লগতে সুৰাৰ দোকানবোৰো বন্ধ হওক বুলি দাবী কৰা হৈছিল ।
সেই দাবী মানিয়ে চৰকাৰৰ তৰফৰ পৰা নির্দেশ দিয়া হয়, মন্দিৰৰ পৰা ১০ কিলোমিটাৰ দূৰত্বত কোনো নিচাজাতীয় দ্রব্য বিক্রী কৰিব নোৱাৰিব । প্রসংগত, ২০২১ৰ ছেপ্টেম্বৰত মথুৰা-বৃন্দাৱন অঞ্চলক ‘পৱিত্র তীর্থস্থান’ বুলি ঘোষণা কৰে উত্তৰ প্রদেশ চৰকাৰে । তাৰপাছতেই এই অঞ্চলত মাংস আৰু মদ বিক্রীত নিষেধাজ্ঞা আৰোপ কৰা হয় ।
মথুৰা (Mathura) জিলাৰ আবকাৰী দপ্তৰৰ প্রধান প্রভাত চন্দ্রই জনাইছে, ইতিমধ্যে বেশ কে’বাটাও দোকান (Liquor Shop) বন্ধ কৰা হৈছে । অৱশ্যে চৰকাৰৰ এই সিদ্ধান্তৰ ফলত ৰাজহ আদায়ত নাটনি হ’ব বুলি তেওঁ জনাইছে । বার্ষিক প্রায় ৪০ কোটি টকা ৰাজহ কমিব বুলি কয় প্রভাতে ।
মথুৰাত মন্দিত অঞ্চলৰ এজন বিয়াথ ব্যৱসায়ীয়ে কয়, বিগত মে’ত নতুন দোকানৰ বাবে লাইছেন্স লৈছিল তেওঁ । কিন্তু সেই সময়ত তেওঁক জনোৱা হোৱা নাছিল যে এমাহৰ ভিতৰত দোকানৰ লাইছেন্স বাতিল কৰি দিয়া হ’ব পাৰে । আন এজন ব্যৱসায়ীয়েও কয়, এপ্রিলত লাইছেন্স নৱীকৰণ কৰিছিল তেওঁ । কিন্তু তেঁৱো অৱগত নাছিল যে লাইছেন্স বাতিল হ’ব পাৰে । সম্প্ৰতি তেওঁলোকৰ দোকানত মজুত কৰা সামগ্ৰী নিয়ে কি কৰিব, তাক লৈ চিন্তিত তেওঁলোক ।
এই ধৰণৰ সমস্যাৰ প্রসংগত প্রভাতে জনায়, “লাইছেন্সৰ মাছুলৰ বাবদ যি টকা লোৱা হৈছে সেয়া উভতাই দিবলৈ কোৱা হ’ব । মৌখিকভাৱে সকলো ব্যৱসায়ীকে জনোৱা হৈছিল অধিক পৰিমাণে মজুত নকৰিবলৈ । কাৰণ যিকোনো সময়ত চৰকাৰৰ নির্দেশ আহিব পাৰে । যি দোকানত সুৰা পোৱা যাব সেই দোকান ছিল কৰি দিয়া হ’ব ।”
প্রসংগত, মার্চত লটাৰী কৰি সুৰাৰ দোকানৰ মালিকানা দিয়া হৈছিল আগ্রহী ব্যৱসায়ীসকলক । সেই সমস্ত দোকানো বন্ধ কৰি দিয়া হ’ব বুলি জনাইছে উত্তৰ প্রদেশ চৰকাৰে ।
