আন্তঃৰাষ্ট্ৰীয় অলিম্পিক দিৱস উপলক্ষে অসম এথলেটিক্স সন্থা আৰু গুৱাহাটী ক্ৰীড়া সন্থাৰ যুটীয়া উদ্যোগত প্ৰাইজমানি ১০ কিলোমিটাৰ দৌৰ প্ৰতিযোগিতাৰ আয়োজন কৰা হৈছে । ২৩ জুনৰ পুৱা পাঁছ বজাত খানাপাৰা খেলপথাৰৰ পৰা আৰম্ভ হৈ নেহেৰু ষ্টেডিয়ামত সামৰণি পৰিবলগীয়া ১০ কিলোমিটাৰ দূৰত্বৰ প্ৰতিযোগিতাখনত প্ৰতিযোগীসকলৰ অংশগ্ৰহণ উদ্যোক্তাই কামনা কৰিছে ।
পুৰুষ-মহিলা উভয়ৰে অনুষ্ঠিত হ’বলগীয়া এই প্ৰতিযোগিতাত প্ৰথমৰ পৰা পঞ্চম স্থান প্ৰাপ্ত বিজয়ী প্ৰতিযোগীসকলক ক্ৰমে পাঁচ, চাৰি, তিনি, দুই আৰু এহেজাৰকৈ টকা পুৰস্কৃত কৰা হ’ব । প্ৰতিযোগিতাত অংশগ্ৰহণৰ বাবে প্ৰতিযোগীসকলে ৬৯০১৮৫৬৬৯৬, ৯৯৫৭৭৪৫৯৩৪ নম্বৰত লগতে assamathleticsassociation@gmail.com আৰু gsaghy1958@gmail.comত ই-মেইলযোগে অহা ২২ জুনৰ পূৰ্বে নামসমূহ প্ৰেৰণ কৰিব লাগিব ।
প্ৰতিযোগিতাখনৰ ফ্লেগ অফৰ লগতে বঁটা বিতৰণী অনুষ্ঠানত উপস্থিত থাকিব মোহময়ী অভিনেত্ৰী প্ৰস্ততি পৰাশৰ, বৰষা ৰাণী বিষয়া, শ্যামন্তিকা শৰ্মা, কন্ঠশিল্পী ভৃগু কাশ্যপ আৰু আচুৰ্য বৰপাত্ৰ ।