বিতর্কৰ জুই এতিয়াও দাউদাউ কৰি জ্বলিছে । তাৰ মাজতেই ‘অগ্নিপথ’ (Agnipath) প্রকল্পৰ অধীনত নিয়োগ আৰম্ভ কৰিলে ভাৰতীয় বায়ুসেনাই (IAF) । শুক্রবাৰে পুৱাৰ পৰাই ‘ৰেজিষ্ট্ৰেছন উইণ্ড’ আৰম্ভ হৈছে । বিজ্ঞপ্তি দি টুইটাৰত এই কথা জনায় বায়ুসেনাই (IAF) ।
‘অগ্নিগর্ভ অগ্নিপথ’ :
কিছু সপ্তাহ আগতেও ‘অগ্নিপথ’ প্রকল্পৰ বিৰোধিতাত দেশৰ নানা প্রান্তত প্রতিবাদৰ জুই জ্বলিছিল । যোৱা ১৪ জুনত প্রকল্পটোৰ বিষয়ে ঘোষণা কৰে চৰকাৰে । জনোৱা হয়, ১৭ বছৰৰ ঊৰ্ধ্বৰ পৰা ২১ বছৰ বয়সৰ বাবে নিয়োগৰ ব্যৱস্থা কৰিব প্রতিৰক্ষাবাহিনীয়ে । অৱশ্যে স্থায়ী নিয়োগ নহয় । চাৰি বছৰৰ প্রতিৰক্ষাবাহিনীত সুযোগ লাভ কৰিব । ম্যাদ সম্পূৰ্ণ হ’লে ২৫ শতাংশক নিয়মিত নিয়োগৰ আওতাৰ অনা হ’ব, সিদ্ধান্ত হৈছিল মূল প্রকল্পত ।
কিন্তু বাকীসকলৰ কি হ’ব ? চৰকাৰে জনাইছিল, তেওঁলোকক এককালীন কিছু টকা দিয়া হ’ব । কিন্তু বাকী কোনো সুবিধা নাপাব তেওঁলোকে । ইয়াৰ পাছতেই ক্ষোভ আৰম্ভ হয় ।
প্রতিৰক্ষাবাহিনীৰ দৰে অত্যন্ত গুৰুত্বপূর্ণ সেৱাৰ ক্ষেত্রত কিয় এই ধৰণৰ সিদ্ধান্ত, তাক লৈ সমালোচনাও আৰম্ভ হয় । বিৰোধী পক্ষৰ সেনা বিশেষজ্ঞসকলৰ অনেকেই কয়, ইয়াৰ ফলত প্রতিৰক্ষাবাহিনীৰ দক্ষতা হ্রাস পাব । ইয়াৰ উপৰি চাকৰিৰ ম্যাদ শেষ হোৱাৰ পাছত প্রাক্তন সেনাকর্মীসকলে কি কৰিব, তাক লৈও সন্দেহ আৰম্ভ হৈছে ।
তিনি বাহিনীৰ সমর্থন :
তিনি বাহিনীৰ প্রধানে অৱশ্যে ‘অগ্নিপথ’-ৰ সমর্থন কৰি আহিছে । সেনাবাহিনীৰ যুক্তি আছিল, ইয়াৰ ফলত দেশৰ সেনাৰ গড় বয়স ৩২ৰ পৰা ২৬ বছৰ হ’ব । যুৱকৰ জোৱাৰে দেশৰ নিৰাপত্তাত সহায় কৰিব । লগতে বিভিন্ন চৰকাৰী স্থানত চাকৰিৰ প্রতিশ্রুতি দি থাকে একাধিক ৰাজ্যৰ চৰকাৰে । তাৰ পাছতো ক্ষোভ সম্পূৰ্ণভাৱে সমাপ্ত নহয় । তাৰো সমালোচনা হৈছে সামাজিক মাধ্যমত ।
ইয়াৰ মাজতেই প্রকল্পৰ আওতাত নিয়োগ আৰম্ভ কৰিলে বায়ুসেনাই । ‘অগ্নিবীৰবায়ু’ পদত নিয়োগৰ বাবে শুকুৰবাৰে পুৱা ১০ বজাৰ পৰা ৰেজিষ্ট্ৰেছন উইণ্ড’ আৰম্ভ হয় ।