বিপর্যয় নিয়ন্ত্ৰণ কৰি পুনৰ আৰম্ভ হৈছে অমৰনাথ যাত্রা । মঙলবাৰৰ পৰা এই তীর্থযাত্রা আৰম্ভ হোৱাৰ সম্ভাৱনা । সংবাদ সংস্থা সূত্রে খবৰ ।
প্রাকৃতিক বিপর্যয়ৰ পাছত পৰিস্থিতি পর্যালোচনা কৰিবলৈ দেওবাৰে সন্ধিয়া উচ্চ পর্যায়ৰ বৈঠকত মিলিত হ’ব জম্মু আৰু কাশ্মীৰৰ উপৰাজ্যপাল মনোজ সিন্হা । সূত্রৰ খবৰ, আগন্তুক দুই দিনৰ ভিতৰতো পুনৰ অমৰনাথ যাত্রা আৰম্ভ হ’ব পাৰে ।
অতি সৰু অঞ্চলত প্রৱল বৃষ্টিপাতৰ ফলত শুকুৰবাৰে অমৰনাথ যোৱাৰ পথত বিপর্যয় ঘটিছে বুলি অনুমান কৰিছে বতৰ বিজ্ঞান কেন্দ্ৰই । এই পর্যন্ত প্ৰায় ৪০ জন তীর্থযাত্রীৰ সন্ধান পোৱা নাই । মৃতৰ সংখ্যা বাঢ়ি হৈছে ১৬ । ঘটনাস্থলৰ পৰা ১৫ হেজাৰ তীর্থযাত্রীক স্থানান্তৰ কৰা হৈছে ।
অমৰনাথ গুহাৰ পার্শ্বৱর্তী অঞ্চলত প্রৱল বৃষ্টিপাতৰ পাছত নিকটৱর্তী শিবিৰ উটি হৰপ্পা বান আহে বালতালৰ বেচ কেম্পত । ডাৱৰ বিস্ফোৰণৰ ফলত এই ঘটনা সংঘটিত হৈছে বুলি প্রথমে জনাইছিল বতৰ বিশেষজ্ঞসকলে । পাছত অৱশ্যে জম্মু আৰু কাশ্মীৰ বতৰ বিজ্ঞান কেন্দ্ৰৰ সোনম লোটাছে জনায়, সম্ভৱত অতি সৰু অঞ্চলত প্রৱল বৃষ্টিপাতৰ ফলত এই বিপর্যয় ঘটিছে ।