সমাজত পৰিৱৰ্তন হৈছে নেকি ? কন্যাভ্রুণ হত্যাৰ কদর্য অভ্যাস এৰি শিশুকন্যাক তুলি (Adoption) লোৱাৰ প্রৱণতা বৃদ্ধি পাইছে নেকি দেশত ? এতিয়াই স্পষ্টভাৱে ক’ব নোৱাৰিলেও সাম্প্রতিক পৰিসংখ্যাই কিন্তু আশা জগাইছে । বিগত বিত্তবর্ষ, অর্থাৎ ২০২১ৰ এপ্রিলৰ পৰা ২০২২ৰ মার্চ পর্যন্ত সময়কালত সমগ্ৰ দেশত তুলি লোৱা হৈছে দুহেজাৰ ৯৯১টি শিশু । তাৰ ভিতৰত অধিকাংশই শিশুকন্যা । যাৰ সংখ্যা এহেজাৰ ৯৬৮। অর্থাৎ সিংহভাগই ছোৱালী । যি শুনিলে আশা জাগে । অৱশ্যে দিন সলনি হৈছে নেকি ?
কেৱল আগৰ বছৰতেই নহয় । তুলনীয়া সংক্রান্ত কেন্দ্রীয় সংস্থা ‘চেন্ট্রেল এডপ্টেছন ৰিছ’ৰ্ছ অথ’ৰিটি’ৰ ৱেবছাইটত ২০১৩-১৪ৰ পৰা যি পৰিসংখ্যা আছে, সেয়া দেখিলে আচৰিত হ’বলগীয়া হয় । প্রতি বছৰেই শিশুপুত্রতকৈ শিশুকন্যাৰ তুলি লোৱাৰ সংখ্যা অধিক ।
অৱশ্যে এই পৰিসংখ্যাত উৎফুল্লিত হোৱাৰ লগতে এটা শংকাৰো সৃষ্টি হয় । ইপিনে যেনেদৰে শিশুকন্যা তুলি লোৱাৰ সংখ্যা শিশুপুত্রতকৈ অধিক হৈছে, তেনেদৰেই পৰিত্যক্তসকলৰ ভিতৰত শিশুকন্যাৰ সংখ্যাই সৰ্বাধিক । তৎস্বত্ত্বেও শিশুকন্যা তুলি লোৱাৰ সংখ্যা যে বাঢ়িছে, সম্প্ৰতি তাতেই স্বস্তি সংশ্লিষ্ট মহলৰ ।
এক সর্বভাৰতীয় সংবাদমাধ্যমৰ দাবী, বিশেষ সূত্রৰ পৰা তেওঁলোকে জানিব পাৰিছে যে তুলি ল’বলৈ ইচ্ছুক দম্পতিসকলে যি ফর্ম পূৰণ কৰিবলগীয়া হয়, তাত ল’ৰা নে ছোৱালী তেওঁলোকে কি বিচাৰে তাত জনাবলগীয়া হয় । সেই ফর্ম পৰ্যবেক্ষণ কৰা হৈছে, ল’ৰাৰ তুলনাত ছোৱালী সন্তানৰ চাহিদা অধিক তেনে নহয় । অথবা ইয়াৰ উলোটাটোও নহয় । অর্থাৎ পৃথককৈ ‘ল’ৰাই বিচাৰে’ এই মানসিকতাত পৰিৱৰ্তন আহিছে ।
যদিও এনে পৰিস্থিতিতো অন্য এটা ছবি প্ৰকাশ্যত আহিছে । দেখা গৈছে, প্রতি বছৰেই তুলি লোৱা শিশুৰ সংখ্যা কম-বেছি পৰিমাণে একেই । অর্থাৎ তুলনীয়া শিশুৰ সংখ্যা বাঢ়িলেও তুলি লোৱা সংখ্যা বঢ়া নাই । অৱশ্যে এই ক্ষেত্ৰত আইনী জটিলতা আৰু নানা বিষয় আছে। সম্প্ৰতি আশা, আগন্তুক দিনত এই সংখ্যা নিশ্চয় বাঢ়িব । পৰিত্যক্ত শিশুসকলে আৰু বেছিকৈ অভিভাৱকৰ স্নেহ পাব । শিশুকন্যা তুলি লোৱাৰ পৰিমাণ বৃদ্ধিৰ লগতে শিশু তুলি লোৱাৰ সংখ্যাও বাঢ়ক, এই ক্ষেত্ৰতেই সম্প্ৰতি লক্ষ্য সংশ্লিষ্ট মহলৰ ।