দেশপ্ৰেম, জাতীয়তাবোধ, ৰাষ্ট্ৰীয়তাবোধ আৰু সাৰ্বভৌমত্বৰ এক সুন্দৰ নিদৰ্শন দাঙি ধৰিলে নগাঁও চহৰৰ অসমীয়া মাধ্যমৰ অগ্ৰণী শিক্ষানুষ্ঠান নৱৰূপ জাতীয় বিদ্যাপীঠৰ শিক্ষক শিক্ষয়িত্ৰী আৰু ছাত্ৰ-ছাত্ৰী সকলে ৷
দেশৰ আজাদী কী অমৃত মহোৎসৱৰ লগত সংগতি ৰাখি আৰু আগন্তুক স্বাধীনতা দিৱস উপলক্ষে বিদ্যালয় খনে ৰূপায়িত কৰিলে এক বিশেষ অনুষ্ঠানৰ ৷ হাতে হাতে দেশৰ স্বাভিমানৰ প্ৰতীক ৰাষ্ট্ৰীয় পতাকা হাতত লৈ নৱৰূপ জাতীয় বিদ্যাপীঠৰ সহস্ৰাধিক ছাত্ৰ-ছাত্ৰীয়ে সমস্বৰে গালে দেশ প্ৰেম মূলক সংগীত ৷ বিদ্যালয় খনত গুঞ্জৰিত হ’ল ভাৰত মাতা কি জয়,বন্দে মা তৰম ধ্বনিৰে ৷
বিদ্যালয়খনত সৃষ্টি হ’ল দেশপ্ৰমৰ এক বিনন্দীয়া পৰিৱেশৰ ৷ আজিৰ এই অনুষ্ঠানত মুখ্য অতিথি হিচাপে উপস্থিত থাকে ৩৪ নং কেন্দ্ৰীয় সংৰক্ষিত আৰক্ষী বাহিনীৰ অধিনায়ক আৰ কে শ্ৰীবাস্তৱ ৷ ইয়াৰোপৰি কেন্দ্ৰীয় সংৰক্ষিত আৰক্ষী বাহিনীৰ আন কেইবাগৰাকীও উচ্চ পৰ্যায়ৰ বিষয়া উপস্থিত থকা এই অনুষ্ঠানতে শেহতীয়াকৈ ৬৮ সংখ্যক ২০২০ বাবে ৰাষ্ট্ৰীয় চলচ্চিত্ৰ মহোৎসৱত কাৰ্বি চুটি ছবি “কাচ্চিচিনিথু” (The boy with a gun)ৰ বাবে ৰজত কমল ৰাষ্ট্ৰীয় বঁটা লাভ কৰা তথা বিদ্যালয় খনৰ অভিভাৱক খঞ্জন কিশোৰ নাথক সম্বৰ্ধনা জ্ঞাপন কৰে।